Әзірет БАРБОЛ. УАҺҺАБИСТІК АРНАНЫҢ МАҚСАТЫ НЕ?! | Abai.kz ақпараттық порталы. Абай. Алашорда. Кітапхана. Жаңалықтар. Мақалалар. Саясат. Мәдениет

 

Загрузка

Әзірет БАРБОЛ. УАҺҺАБИСТІК АРНАНЫҢ МАҚСАТЫ НЕ?!

Жәрдемші


«Abai. kz» ақпараттық порталында «Асыл арна» ислами телеарнасының директоры М.Тазабековтың сұхбаты жарияланды. Онда Мұхамеджан өзінің «уаһабистік» бағытын жасырып, ондағы сұрақтарға нақты жауап беруден қашқақтап, енді бір жерінде сұраққа тіпті жалған жауап беріп, қазақ мәдениетімен ұлттық дүниетанымымен үш қайнаса сорпасы қосылмайтын таза салафиттік сарындағы «Асыл арнаны» дәстүрлі исламның, ұлттық дәстүрдің насихатшы құралы ретінде көрсеткісі келіпті. Болмаса қазақ даласында атымен, затымен жоқ, бұрын-соңды болып көрмеген құбылыс «ширкпен күресу», «дәстүрді мойындамау» туралы идеяны алғаш алып келіп, таратқан Мұхамеджандар енді «қазақы дәстүрді мойындап» қапты. Әйтпесе, «анау ширк», «мынау болмайды», «анай бидғат» деп елдің басын қатырып, қоғам арасында, әсіресе мұсылман жамағаты арасында іріткі, фитна тудырған, ақыры елдің бірлігін алған салафиттік, уаһабиттік жамағат болса, әсіресе біз білетін М.Тазабеков енді аспаннан түскендей «елдің бірлігін» ойлап қапты.

«Қазір қарапайым жұрт «ойбай анау уаһаб, мынау сопы» деп сол сөздердің мағынасын білмей жатып үрейленетін болды. Таратып айтып беріңізші. Бұл қайдан шыққан терминдер?» деген сұраққа Тазабеков: «... Сақал қойған, дін ұстанған адамды өзіңе ұнамаған сипаты үшін «оңбаған уаһаб, артта қалған сопы» деп айдар тағып кінәласақ, ертең Алла алдында жауап беруге тура келеді. Сондықтан бізге көлеңкемізден қорқып, көп ішінен жау іздегеннен көрі адамдарға ақиқат жолдың абзалдығын айтып немесе өз иманымызды көркемдеумен айналысқанымыз жақсы» деп, сопы кім, уаһаб кім нақты белгілерін атап көрсетуден жалтарып, аса қатерлі уаһабизмді «қалыпты» көрсетіп, сұраққа тұщымды жауап қайырмаған. Болмаса қазіргі таңда елімізде террорлық әрекеттерімен бас-аяғы жүзден астам азамат бас бостандығынан айырылып, тар қапаста отырғандығы белгілі. Ал, еліміздің заңына сай құқық органдары «аса қатерлі» деп тапқан террористерді Мұхамеджанның «қауіпті емес» деп ақтауының себебі не? Міне осыдан да түсінікті болып отыр кімнің кім екендігі.

«Бір автор сіз бен Шорабек Айдаровты «қып-қызыл уаһаб» деп атады. Шыныңызды айтыңызшы, бұл не қылған парадокс? Өзіңіз уахаб, телеарнаңыз салафи...» деген сұраққа  өзінің қып-қызыл уаһаб екендігін, телеарнасының салафи екендігін мойындап, М.Тазабеков: «Қандай пікірді болса да, сөзді болса да естіп жүруге мойынсұнған Алланың бір құлымыз да» депті.

«Сіз салт-дәстүрге қарсы адам екенсіз» деген сұраққа Мұхамеджан: «Салт-дәстүрге қарсы адам» деп аруаққа сыйыну мен сыйлаудың арасын ажыратуға қатысты, ырым мен ақиқат сенім жайлы араласып кеткен пікірлерді ажырату жайында айтқандарым үшін айтып жатса - жаңсақ сөз. Бір Аллаға сыйынып аруағын сыйлаған халықпыз» деп бұл сұраққа да Тазабеков жалған жауап қайырған. Әруақты қазақ сыйлаған. «Жеті шелпегіңді сенің өлгендер жейді дейсің бе», «өмірден қайтқанның жетісін, қырқын, жылын беру өліге пайдасы жоқ», «қабірлерді көтермеу керек, қирату керек», «тірісінде құрмет көрсетпеген өлген соң қалай сыйлайсың» деп уаһабилер уағыздаса, онда қалай әруақты «сыйлап» қалған.

«Әулие, аруақ жайлы. Сіз айтқан сыйыну мен сыйлаудың ара-жігі қай жерден ажырау керек? Мысалы, Бекет ата, Райымбек батыр басына барып жатқандар бар ғой» деген сұраққа Мұхамеджан: «...Ал жай адам немесе әулие түгілі Мұхаммед пайғамбардың (с.ғ.с.) өзінен жәрдем тілеу, сыйыну - Ислам тыйым салған. Алла Тағала қасиетті Құранның бәрімізге белгілі «Фатиха» сүресінің соңғы аятының соңғы сөзінде «до лин», яғни, «адасқандардың» жолынан бізді сақта дейді. Адасқандар деп отырғаны кімдер? Христиандар. Ал олардың адасуының ең басты себебі неде? Христиандар Исаны (а.с.) Құдайдың баласы деп пайғамбарға сиынып кетті. Пайғамбарға сиынуды Алла Тағала адасқандар десе, жай адамға сыйыну деген тіпті сорақылық болмақ.... Біз құрметі биік Бекет атаның өзінен жәрдем сұрағаннан көрі, ол кісінің артына тастап кеткен өсиетінен азық іздегеніміз дұрыс... Бабалар жолына, бабаларға деген адалдығымыз осы ма? Бабаларымызды сыйласақ, олардың аруағын құрметтесек, олар бізге не айтқысы келді? Олар қалдырған өсиеттердің үдесінен шығуға тырысуымыз керек емес пе? Сонда ғана аруақ, баба сыйлаған, бабалар ұстаған қастерлі жолда жүрген болып есептелеміз»

Міне, Мұхамеджан өзін «бабалар жолына адалмын» дей отырып, «әулиеден, әруақтан» медет тілеген қазақ халқын мүшриктерге теңепті. Қазақ ешқашан әулиесін Иса  (ғ.с.) пайғамбарға табынған христиандар секілді оған арнайы құлшылық жасап, табынып кетпесе де Мұхамеджан  «медет тілеу» мен «жәрдем сұрауды» «сыйынуға» санаған. Егер де қазақ халқы христиандар, т.б. мүшриктер секілді әулиесіне «Сен құдайдың баласысың», немесе, «Құдайдың баласы, әйелі бар» деп оларға арнайы құлшылық қылса, онда әңгіме басқа болар еді. Ал, бұл жерде Мұхамеджанның «ширк» деп шиқылдаған сандырағы «медет тілеу, рухани жәрдем сұрау» болып тұр. Енді осы мәселенің ара-жігін ажырату керек.

«Асыл арнаның» ашылу салтанатында сөз сөйлеген Б.Тілеухан: «телеарнаның ашылуына жанашырлық танытып, көмек көрсеткен азаматтарға» шексіз алғыстар жаудырып жатты. Ал, ол «ширк» емес пе? Ол да Алладан өзге пендеден болған көмек.  Мұхамеджан өзің де осы арнаны ашу үшін біраз бизнесмендерден көмек сұрағаның өтірік емес қой. Ол да Аллаға серік қосу емес па? Сен де Алладан емес пендеден медет тілеп отырсың ғой, көмек сұрап. Ал көмек сұрауды, медет тілеуді «сыйынуға» санасақ, онда сен де «Христиандар істеген сорақы істі» жасадың ғой. Ал, тіріден көмек сұрауға, медет тілеуге болады. Тек өлілерден көмек сұрамасақ болды десең, олда Құранда Алла «оларды өлі демеңдер, олар тірі» деп ерекше атап көрсеткен ғой. Егер де осы аталған аятқа иман келтірсек тіріден қалай көмек тілесең, Құдай Құранда атаған, әулиені де «тірі» деп есептеп «көмек сұрауға» болады. Ал сенің қазақтың «медет тілеуін», «көмек сұрауын», «сыйынуға» санауың ол қиянат.

Қ.А.Яссауидің ілімін «исламның таза қайнар бұлағына тамған нәжіс» деп бағалап жүрген сендер, әулиенің ізбасары сопы Бекет әулие туралы «құрметі биік» деп қалайша атап қалғансың. Ол да жалған пікір, қисынсыз әңгіме. Оны өзіңнің де, жұрттың да іші сезіп тұр.

«Бекет әулиені, өткен тарихтағы хақ ислам жолында жан қиған құрметі биік тұлға» деп бағаладың. Ал, енді сондай әулиені неге зиярат етеміз? Деген сұраққа «өлілер бізге мұқтаж» дедің. Ал, Бекет әулие өзің атап көрсеткендей «хақиқатты таныған тұлға» болса, онда Құранда Алла ондай әулиенің пендеге «шапағат ететіндігін айтқан». Ол туралы 43-ші Зұхраф сүресінің 86-шы аятында: «Олардың Алладан өзге құлшылық қылғандары шапағат ету күшіне ие емес. Бірақ хақиқатты біліп, куә болғандар басқа. Шапағат ете алады.» - делінген. Міне, қазақтың әулиеге неге құрмет көрсететіні, оған арнайы баратындығы осы аяттан мәлім болды. Бірақ М.Тазабеков сияқты уаһабистер «өлілер бізге мұқтаж» дейді. Бауырым адаспа, осы аталған аятты оқы Құраннан. Одан соң Бекеттің пендеге қалай шапағат ететіндігін көресің. Ал ол аятқа иман келтірмесең, онда сенімен сөйлесу харам.

«Сізге мін тағушы жазарман «уахабилер Абайлар сияқты сақал-мұртын қатар өсірмейді. Сақалын өсіріп, мұртын тақырлар алады» дейді. Сақал-мұрттың «садаққа» іліну себебі неде?» деген сұраққа М.Тазабеков: «Кез-келген хадис кітабын ашсаңыз, пайғамбар Мұхаммед (с.ғ.с.) «сақалдарыңды жіберіңдер, мұрттарыңды қысқартыңдар» деген.            ... Демек, мұсылмандардың басқа дін өкілдерінен ерекшеленіп тұратын сыртқы бір белгі - мұртымыздың қысқа болуы» депті. Онда Алланың соңғы елшісі Мұхаммед (с.ғ.с.) - нің жоғарыдағы келтірілген хадисіне сүйене отырып біз М.Тазабековты нағыз дінге жаңалық енгізуші «бидғат» жасаушы деп толық айта аламыз. Өйткені ол хадисте «Сақалдарыңды жіберіңдер де, мұрттарыңды тақырлаңдар» делінбеген ғой. Тек, «қысқартыңдар» деген. «Қысқарту» мен «тақырлау» екеуі екі әңгіме. Мұхамеджан сен өзің сол хадисті айта отырып, оған қарсы амал етесің, сонда пайғамбарға қарсысың ба не өзі? Жоқ жұртты ақымақ санағың келеді ме? Қанша айқайлап бақырсаң да, шынайы бет-бейнеңді жасырсаң да көрініп тұр көзі қарақты зиялыға. Қып-қызыл уаһһаб екендігің.

Ал «Асыл арнаны» уаһабилік идеяны таратуға құрылған арна деп атауымызға толық негіз бар. Мәселен, дәл осы телеарнада көрсетілген «Қабірге зиярат ету» атты телекөрсетілімде мынадай «уаһабиліктің» белгілері ашық айтылды.

Диктор:

- Әулие мен аруқтардан және ғайыптағы адамдардан күнәміздің кешірілуіне көмек сұрап дұға талап етуге болама? Болмайды. Өйткені бұл Аллаһ алдында кешірілмейтін күнә, үлкен ширк. Оған дәлел, Бухари Аллаһ оған разы болсын! жеткізген хадис: «кәмде кім Аллаһ Тағаладан басқа біреуге дұға етіп, жалбарынып жүрсе, ол тозаққа енеді».

- «Аллаһпен бірге басқа тәңір шақырма. Онда, сен де азапқа ұшыраушылардан боларсың»   (Шура сүресі. 213 аят).

- Егер пенде Ұла Раббы мен жолығуды қаласа, әрине оған алдын ала дайындалуы қажет. Ол үшін алдамның Аллаһ Тағаланың алдына тек ізгі іс, игі жақсылықтар мен баруға, бар күш жігерін жұмсауы, мерейлі міндетіне айналуы тиіс. Осы жолға қажетті азық , жаратушының әрбір иманды пендеге жүктеген парыз амалдарын қағлез орындау,  шариғи білім алу. Ең бастысы ауыр күнәдан, яғни Аллаһқа серік қосудан аулақ болу.

Жалелдин Шамшидинұлы (Қаскелең қаласы «Ақ мешіт» мешітінің найб имамы):

- Өкінішке орай, қазіргі біздің қоғамымызда көп осындай шариғатқа қайшы жұмыстар көбінен етек алып жатыр. Яғни әулие ата бабалардаң басына барып тілек тілеу, оларға құрбандық шалу, олардан көтермеген әйелдер немесе құрсақ көтермеген келіншектер барып солардан бала сұрап жатады. Бұлардың бәрі исламға жат. Исламға қарама қайшы тірліктер. Сондықтан бұндай амалдардан аулақ болуымыз керек. Қабірге барғанда. Яғни тек қана біз қабірді зиярат етеміз, оларадың, олардан тек қана біз ахретті еске алу үшін, ахретті еске түсіру үшін ғана, тек қана қабірдің басына барамыз.  Олардан немесе бір тілек тілеп, олардан жанағыдай бір дұғаның қабыл болуын тілеу бұл шариғатқа қайшы. Яғни бір сөзбен айтқанда бұл шариғатқа өте қарама қайшы тірлік. Бұл ширк амалына жатады. Өлген кісіден бірдеңені талап ету - бұл ширк амалына жатады.

...Сонымен қатар Бухари мен Муслим жеткізген мына хадисті әрбір пенде жанында берік ұстағаны дұрыс. «Аллаһ елшісі оған Аллаһ Тағаланың игілігі мен сәсемі болсын! қабірді сырлауға, үстіне отыруға, кесене тұрғызуға, топырағын биік етіп көтеруге, және оған бір нәрсе жазуға тиым салды.».

Профессор А.И.Артемьев: «Ваххабизм Сауд әулетінің саяси менмендігінің ресми жалауы болды. ХІХ ғасырдың басына қарай ол Арабия жарты аралының көпшілік бөлігінде нық орнығып, келе-келе Үндістан, Индонезия, Шығыс және Солтүстік Африкаға жайылуға мүмкіндік алды. Сауд Арабиясының көптеген арабтары, - оның ішінде король отбасы да бар, - қазірдің өзінде де ваххабиттер болып табылады.

Киелі орындарда билік жүргізу, яғни барлық мұсылман әлемін билеу мақсатындағы күресінде бұл әулет ештеңеден тайынбады: кінәсіз адамдар жаппай қырылды, олар тіпті Меккеге қажылық сапармен барғандарды да тонады. Бұндай қорлаушылықты тоқтаттыру үшін, Ұлыбритания билігінде отырғандардың (ағылшын тәжі саудтық билеушілерді қамқорлығына алған) араласуына тура келді. Сауд әулетінің киелі қалалар - Меккеде, Мединеде және Таяу Шығыста да тікелей Ұлыбританияның қолдауы арқасында бекініп алғанын айтпай кетуге болмайды. Қаржылай, әскери және басқа дай көмек бұл режимге осы уақытқа дейін тек жекелеген ғалымдар ғана кіре алатын Британ мұражайы Кітапханасында сақтаулы жатқан мемлекеттер басшылары арасындағы келісім-шарттарға сәйкес түсіп отырады. Келісім бойынша британ тәжі қашанда Сауд әулетін Хиджаздағы (екі қасиетті орын кіретін аймақ солай аталады) билік басында ұстап тұратын болды. Саудтар арқылы Батыс өз саясатын бүгінгі таңда да жүргізіп отыр ...Бүгінгі таңда ваххабит идеологиясындағы анықтаушы сәт - ол жиһадты уағыздау және исламдық емес күштерге күйрете соққы беру болып отыр. (А.И.Артемьев. «Дінтану» Алматы 2008 ж.486-487-бет) деп жазды.

Түркістан газетінің (27 тамыз, 2009 ж.) санында газет тілшісінің «Өзіңіз діни білімді қайдан алдыңыз?» деген сұрағына М.Тазабеков: «...Мекке-Мәдинаға оқуға ниет етіп барғандығын» ашық айтқан болатын.

Ислам және өркениет (№05 (89) 1-15 наурыз, 2007 ж.) санындағы М.Естеміров «Іштен ірітуші уаһһабилер, өзін «таза ислам» жолындағы «сәләфилерміз» дейді» атты мақаласында: «...Бүгінгі таңда облыс аумағындағы шет елдерден келген ислам қорлары мен ұйымдары жабылып, шетел азаматтары Қазақстан аумағынан аластатылғанымен, олардың іс әрекетін қазақстандық шәкірттері мен Мәдинадан білім алып оралған, солардың жетегіндегі өзге де жастардың жалғастырып жатқандығы өкінішті» деп жазды.

Саудия ілімінің аса қатерлі екендігін сенатор ағамыз Ғ.Есім: «Қазіргі Қазақстан жағдайында ислам екі түрлі бағытта аңғарылып келеді. Бұл жақсылық емес. Арабиядан білім алып келген біздің жастар Қожа Ахмет Иассауиді құрметтеуді қойыңдар, аруақты құрметтемеңдер деген үгіт таратып жүр. Бұл болмайтын әңгіме. Біз тамырымызға балта шаба алмаймыз. Біздің халықтың менталитетінде аруақты құрметтеу қасиетті іс. Аруағын жерге таптап, мұсылман болуға қазақ көнбейді. Біз аруақты құрметтегенде, Аллаға, пайғамбарға шек келтіріп тұрған жоқпыз. Бір кезде бірыңғай орыстандыру саясаты жүрсе, енді бірыңғай арабтандыруға көшпекпіз бе? Исламның Иассауи салып кеткен жолы бар. Ол - түркілік ислам. Егер, біз осы мәселеге сақ болмасақ, ұлтығымыз бен елдігімізге сызат түседі. Сөйтіп мұсылмандықтың өзі бірнеше жіктен тұрады ғой. Қазір арабтар әкелген мұсылмандық пен біздің дәстүр-салтымызға сыналай еніп, қалыптасып кеткен софылық әдебиеттің негізінде Иассауи әкелген мұсылмандық екеуінің арасында түсінбестіктер орын алып отыр.» (Амреева  А.А., «Діни экстремизм мен терроризм: мәні және Қазақстанға ықпалы». Алматы, 2005 ж.,168-169-бет) - деп атап көрсеткен болатын.

Міне осындай нақтылы деректерге сүйене отырып «Асыл арна» телеарнасы мен оны басқарып отырған М.Тазабековты «қып-қызыл уаһһабист» деп толық айтуға негіз бар. Ал, Мұхамеджан болса неге екендігі белгісіз осындай «қатерлі уды» таратуға әбден ынтық.

Мұхтар Мағауин ағамыз «...Міне, алақай! Аруақ! Ақсарбас! Қазақ Ордасы құлағаннан соң жүз қырық төрт жыл дегенде ұлысымыздың туы қайта көтеріліпті. Адасып емес, таңдап тауып, бақ қонған деген осы емес пе?» деп жазды. «Ұлтсыздану ұраны» («Алаш» Алматы 2004 ж., 9-бет).

Шерхан Мұртаза: «Райымбек Сейтметов туралы жаза келіп, «...Оның рухын ұлы Домалақ ананың, Тұрардың әруақтары қолдай жүрсін, Алла о дүниесін жұмақтан берсін» деп жазды. «Бір кем дүние» (Алматы «Жазушы» 2008 ж. 99-бет.)

Міне қазақтың әдебиеті мен мәдениеті, тарихында өзіндік орны бар ұлт зиялылары да «аруағын шақырып, пірінен медет тілеген».

 

«Абай-ақпарат»


 




Бәрекелді! Алалх саган разы болсын, өте орынды, түсінікті, әрі жалпақ тілмен айтылған! Аллах сенің қолыңа қуат берсін!
Сәлеммен Ерлан Әбдірашитұлы!



Алла ақырзаманның фитнасынан сақтасын!Барлығы Қазақстанның быт шытын шығару мақсатындағы сыртқы күштің әсерінен жасалынып жатқан нәрсе ғой!Осы мақаланы жазып елді тура жолға бастап жатқан Бекболат пен Мұхамеджан ағамызды халыққа жаман қылып көрсету ғана.мақаланы жазғаны үшін Барбол ағамызда өз ортасына бүгінгі күні бар болып журген шығар!Алла ол кісіге де мәнді мағыналы өмір берсін!



Мұхамеджан мен Бекболат ағамызға тисе бермеңіздер, Қазақтың солардан басқа кімі бар?



Абай атамыз;"АЛЛАХТЫҢ ӨЗІ ДЕ РАС СӨЗІ ДЕ РАС!" деп жазған.
Бірақ ғұлама Абай "АЛЛАХ" деп жазбаған. "АЛЛАНЫҢ ӨЗІ ДЕ РАС СӨЗІ ДЕ РАС!" деген.
Бауырды - ақи дейсіңдер.
Қазақтың тілдік қоры араб тілінен өте бай. Аллах - деген араб сөзі.
Алланы- Аллах десек, онда бүкіл сөздерді арабша айтайық онда. Кітап- китабун, қалам-қаламун, мұғалім-мұғалимун.
Шәкәрім де, Мәшһүр Жүсіп те, Мұқағали да барлық ақын-жазушылар "Алла" деп жазған, бабаларымыз "Алла" деп сөйлеген. Олар - ақымақ емес !



Мухаммеджан мен Бекболат ҚҰРАНҒА сеніп, содан ілім алып айтып отыр! Ал сен жазғандай бізідң шалдар дінді қалай ұстаныпты??? Сұрағыма жауап жазып жіберсең жақсы болар еді! Сәлеммен Ерлан Әбдірашитұлы!
P.S Сендер (көптеген адамдар) аттарыңды да жазуға қорқып отырсыңдар ғой! Шын аттарыңды жазудан қорқасыңдар ма, не?



Керемет пікір, жоғарыдағы пікір білдірушінің айтқаны өте орынды. Құдай бізді бекер қазақ қып жаратқан жоқ, біз Құдайдың заңын бұзбай өз қазақтығымызды сақтап қалуымыз керек.



Осы хиджаб кимегендердің бәрі жалаңаш жүр деген сорақы пікірлеріңді қойыңдарш



Алла жар болсын, Ер екенсің !!!
Тыңдайтын құлақ болса, жетесіне жеткіздің. Ойланайық, бауырлар! Мұхаметжан, Бекболаттар шынымен қазақы исламды құртам деп ойлай ма екен, ол мүмкін емес қой. Ал сонда не болады? Соңына ергендерімен бізге соғысқа шыға ма? Кешегі түрмеден қашқан қара көздер не үшін, кім үшін опат болды? Ағаны силайтын халық едік, енді міне осылардың соңына ерген інілеріміз барлық болымысымызға қарсы шығып, тістерін қайрай бастады. Құдай, аруақ сақтасын бұның арты жаман болатын түрі бар.



Бұрын орыс тілді қазақ, қазақ тілді қазақ болып, қаланың қазағы,даланың қазағы болып, оның үстіне жүзге, руға бөлініп жатқанымыз аздай, енді діни көзқарастарымыз бойынша қырық пышақ болып бөлінгеніміз өкінішті! Қашан, қалай ел боламыз? Досқа күлкі, дұшпанға таба боп біттік қой, бауырлар-ау! "Асыл арна" теле арнасы мұсылман дінін насихаттап жатқан жалғыз арна ғой, иеогова куәгерлері емес, кришна емес, исламды. Аяғынан шалмай, күндемей, үндемей отыра тұрсак болмай ма?! Адамдар қыздарымыз әуретті жерін жапқан сайын қорқып,жартылай жалаңаш киінген сайын қуанатын болып қалды.Ерлеріміз сақал қойса уаһабис деп,қыз теке сияқты болса еш ойланбай,мән бермей жүре беретін болып қалды.Бұның барлығының бір ақ себебі бар.Ол мұсылманның атын жамылып,іріткі салу мақсатындағы осы сияқты мақалалар мен іс әрекеттер арқылы жиеркенішті қылып көрсету..Жай ғана мысал,осы мақаланың өзінен қанша мұсылманның арасында пікірлер қақтығысынан ақ көруге болады.Ал егерде ұлтқа жаның ашып қалса елді рухани азғындатып жатқан хит.тв,муззон сияқты телеарналарды неге сынға алмайд!Балыгын уакыт оз орнына кояр сосын. Міне осы пікірден басқа алуға келер түк жоқ. Теріс пиғылды секталар қаптап жүрген ей мұсылмандар өз өздеріңмен алысқандарың не ? Елдегі бірден бір ислами арнаға топырақ шашып оның жұмысын тоқтатып тастағанда кімнің жері кеңиді. Бұдан кім ұтады ? Қайта қауанбаймысын! Күш түбі бір АЛЛА-ға сыйынған бауыр емеспіз бе ? Сырттан келген секталарға үндемей үйдегі батыр құсап неге осы арнаға сесе көрсеткілерің келеді ? Шамаларын жетсе ашыңдар алты алтыдан арна ? Насихаттаңдар. Кім қой деді сендерге ? Шамаларың жетпеді ме ? Игілікті іске пайда келтіре алмадыңдар ма ? Жақсылықтарын сол болсың кедергі келтірмеңде! Жоғарыдағы қоақ дұрыс айтады алдымен Хит ТВ Муз Тв-ның жұмысын тоқтатып алыңдар. Айбек ағамыз: Айтшы осы біз неге бөлінеміз, Бөленгенен басқа біз не білеміз. Бес күн мынау жалғанда бір болайық, өлген соң бөлек-бөлек көмілеміз. Жау керек болса жан-жағында анталып жүр. Өз бауырың мұсылманды жау санап, біріңнің бетіңді бірің тырнамашы қазағым. Ағаларым-ау ақылдарың бар емес пе ? Исламға енді бет бұрып келе жатқан жұртты өстіп өзара қырқысу тартысуларыңмен шошытпаңдар. Абай кз порталынан да өтініп сұрайтымыз осындай бауырлардың, қандастардың, мұсылмандардың өзара тартысы мен таласын жариялаудан бас тартсаңыздар! Осындай өзін өзі даттау өз бауырымен ағасы арасындағы таластан қазаққа келер 1 тыйын пайда жоқ. ал зиян көп. Інілерің ретінде өтініп отырмын осыны. Ағалық жасап осындай материалдарды бермеуге тырысып көріңіздерші!!



Мына мақалаңызға +100000000!
Ерлан Әбдірашитұлы!



еу адам осы макаланы жазу ушін Тазабековты канша кун андып журдін а?созіннін барлыгын окып шыксам тазабековтын ізінен калмай аузынан шыккан ар созін андып,кате іздегенге уксайсын!Тазабековке Аллах разы болсын! сенін бул макалана бола ол кісіге деген пікіріміз озгермейді!!



мейлі аруактарынды шакырып, пірлеріннен медет сурап журе беріндер!кандай аянышты бул арекеттерін!!!Аллах кешірсін сендерді!



Ассаляму алейкум! осы созди али оки алмай отырмын мына талас-тартыстан! Косыламын! Дурыс айтасыз!Аянышты!



Ойпырмай, адам баласы өзіне өзі қаншалықты залымдық жасап жатқанын білмейді екен-ау. Мынау не деген сұмдық. Сендерге әлі Ақтаудың түрмесінен қашып, ақмақтық өліммен жоқ болғандардың қазасы аз ба? Сендер имансыз өлім рухын себуші вахабизмнің зәрін түсінулерің үшін әлі қанша қазақ өлуі керек? Ояныңдар, естеріңді жинаңдар! Біреу ата-бабасына лағнет айтып, бүкіл дін мұсылманның арасына лаң зәрін төксе алғанын өтеу үшін өңмендеп жүр, Сендерге не жоқ?



Тазабековпен талай бірге болдым. Ешқандай жаманшылығы жоқ. Жақсы адам. Адам білмегенін сыйламас деген. Әзіреттікі енді нағыз жала. Мақаласы сұйық. Құрғақ сөз. Бұлай мақсатыңа жете алмайсың. Армандама да. Алла бәрімізді тура жолға салсын. Біреудің қолшоқпары болып жүрген сияқты. Соған қарағанда жақсы ақша алып жүрген шығар.



Акиктты таныгандар шапагат ете алады, зухруф суреси



Уағында Абай қазақты жауластыруға жұмыс жасаған жоқ. Ал АБАЙ порталының дәурен бастаған жігіттері оразада мұсылман арасын жік салғаны жөн болмады. Өте ұят, ДӘУРЕН!

Адамдардың сөзге ере салатыны өте бір қиын дүние.



Көзі ашық жандар ізденбей ме екен өздері, осы жерге жазбай ма екен, қарап көрейік қаншалықты көкірегің ояу екенін. Қанша жерге шабар екенсің. Ізденетін бұлақтарды қайдан табар екенсің? "Британ шпионының мойындауы", "Уахаб бүлігі" сынды әдебиеттерден өзге не бар сенің қолыңда?



Әбдурахман ахун Таңли Тана "уаһһабшылар хақында"-өлеңдерін оқып көр.



Әбдурахман ахун Таңли Тана деген кім? Қазақта "Ахун" деген сөз бар ма еді? Енді анау Таңли Тана дегенді қайдан шығардың? Қазақ сөзіне әсте сәйкеспейді ғой мыналардың аттары.



арнайы тапсырыс,байағы қазақтын басын айналдырып,ой,біз қазақтын салты үшін бұларды сынап отырмыз деп оттау.ислам біреу,мыгалардыкі құр далбаса.іріткі салу.



Сізге қосыламын. "Арабтан ақша алып жатыр" деген жалалары бар бұлардың. Ал өздеріне қаржы көзі қай жақтан астыртын келеді екен, сол жөнінде әңгіме қозғау керек еді.



Барбол деген адам бар ма екен? суретін көрсетіңдерші. Бір қорқақ біреу болса керек. Атын ойдан құрастырып жүрген. Оның да бала-шағасы бар шығар, ақша алып жазып отыр емес пе. Абай кз нені меңзеп отыр.. Бұлар да сол ақшаның жетегіндеғой. Бейшаралар (бұл бейшара деген сөз иман жоқ деген сөзғой.) Ақшадан басқа шарасы бар ма?



Мүмкін ауамен қоректенетін шығар бұлар. Ондайлар да бар ғой. Сопылардан бәрін күтуге болады. Әлде тікейлей әруақтардан спонсор тапқан болар. Пахабистерге әруақтар көмектеспейді.



"иман жоқ" дегенің шамалы қаттылық болар. "Бейшара" - шарасыз деген емес пе. Ақша алмауға бұлардың шарасы жоқ. Жоғарыда жаздым ғой, ауамен қоректенбейтін болса, бір дүние алуы керек осы мақала үшін бұлар.



Бауырларым, бұл қазақ әлімсақтан мұсылман - сунит, яғни - Әһли сүннет жамағатынын.
Әһли сүннет болу үшін -- 1.Құран Кәрімнің Алланың сөзі екндігіне сену. 2.Өз иманына күмән келтірмеу. 3.Сахабалардың барлығын жақсы көру, ешқайсысын жамандамау. 4.Жұмақта Алланы көретіне сену. 5.Күнәсі білінбеген иманның арқасында тұрып, намаз оқу. 6.Әһли қыбыланы(намаз оқитын мұсылманды) істеген күнәсіне қарап, кәпір демеу. 7.Әһли қыбыла деген адамның бір сенімі мағынасы ашық нақты дәлелге қайшы болса, күпірлік. Мұндай адам намаз оқыса да, барлық ғибадатты жасаса да КӘПІ болады. 8.Ғибадаттар иманның бір бөлшегі емес. Яғни, ғибадат жасамаған және күнә істеген мұсылманды кәпір деуге болмайды. 9.Мәсіге мәсих тартуға болады. 10.Иман артып, азаймайды. 11.Миғыраж рух пен дене арқылы болған. 12. Тасаууф(СОПЫЛЫҚ) ілімін жоққа шығартпау. 13. Мұғжиза мен керемет хақ-шындық. 14. Төр мазһабтың біреуін ұстау, мазһабсыз болмау. 15. Хазреті Әбу Бәкір және хазреті Омардың халифа болғандығына және артықшылықтары олардың халифалық кезегі бойынша екндігіне сену. 16. Кәбірді зиярат жасауға , Пайғамбарлар мен әулиелерден көмек сұрауға болады. 17. Оқыған Құранның және берілген садақаның сауабын өлгендерге бағыштауға болатынына, бұл сауаптардың және дұғалардың өлгендерге жетіп, олардың күнәларының азаюына себеп болатына сену.18. Қәбір сұрағы нақ шындық. 19. Қәбір азабы рух пен денеге жасалады. 20. Сырат көпірі бар. 21. Шапағатқа, есепке және мизанға сену.
Бұлардың кейбіріне сенбеген адам әһли сүннеттен шығумен қатар КӘПІР болады.
Имам Раббани былай дейді* "Термизидегі хадисте "Үмметім 73 топқа бөлінеді, 72-сі тозаққа барады, тек біреуі ғана құтылады. Бұл топ менің және сахабаларымның жолымен жүргендер." Бұл топ "ӘҺЛИ СҮННЕТ" деп аталады.
Қымбатты бауырларым, Ереке - Ерлан Әбдірашитұлы, Бұл қазақ атадан балаға осы заңдылықты шегелеп, бұлжытпай орындатып келе жатқан. Мен де осылай өстім. Орайын Жаратқан бұйыртып, қасиетті Рамазан айында қолымдағы мұсылман күнтізбесіндегі осы жазылғандарды Алланың разылығы үшін жазып отырмын, сауабын әке-шеше, ата-бабаларымның әруақтарына болсын деп тіледім. Исатай.
P.S. Бауырларым, 7-8-10,әсіресе 12-13-14 Сосын 16-17 Сосын 21-ге мән беріңдер, осы туралы ізденіңдер. Алла разы болсын!!!



Алла сендерді жарылқасын!



Бір молда Алдар косеге келіп:-Уа,Алдар сен шын мұсылмын емессің,өйткені сенің сакалың жок,-депті.Сонда Алдар:-Уа,молдеке!Менін анау текемнің сакалы сенікінен де ұзын,ал ендеше оны калай шын мұсылмын дейсін!-деп жауап кайтарыпты.



Ең ауелі аршу керек іштің кірін,
Іште толып жатпасын сасық ірің.
Уағдариға,іш тазарсын,іш тазарсын,
Болмаса пайда бермес амал,ілім.
Ақмолла Мұхамедиярұлы.
Ей уахабтар!!!Сыртына маган десе 25 кабат мата орап ал,екі кулаш етип сакал осирсен де,ішкі жан дуниен таза болмай,еш пайда бермейді!



Өте дұрыс ! Намазын оқып,оразасын қаза қылмайтын, Қазақ халқы үшін бағзы замандардан, жан дүниенің пәктігі, тазалығы - бірінші кезекте. Ал, Сыртқы формасы - үшінші кезектегі мәселе.
Менің таң қалатыным, Араб Әмірлігіндегі , таза ақсүйектердің балалары неге сақал қоймайтындығы. Біздегі Сәләфшіл ағайын, 20-дағы жігіттерге сүннәт деп, Араб Королдегіндегі нағыз, таза мұсылмандар солай жүреді деп, ҰСТАЗ-сымақтар сақал қоюға, қыздарға тіпті НИКАП киюге мәжбүрлейді, міндеттейді. Ал, оларда шын мәнінде керісінше.
Бұл сөзді Шет Елдерде оқып жүрген қазақ жастарының барлығы айтады. Себебі, біздермен оқып жүрген АРАБ жастарының, қыз-жігіттерінің бойынан мұсылманның сыртқы атрибуттарын (сақал, тобықтан жоғары шалбар, хиджаб т.б)көре алммай, тіпті ИМАНИ қасиеттер көре алмай қиналасың. Көркем мінез-құлықтан жұрдай, көбі дөрекі. Соған қарағанда біздің ҚАЗАҚтың мұсылманшылдығы мықты.
Мемлекеттегі діни ахуалды МҮФТИАТ тез арада бақылауға алмаса, ертен қиын болады. Қазірдің өзінде, қазақ отбасыларының арасынан жік шығуда, баласы - уаҺаби, әкесі - сәләфи, анасы - ханафи, қызы - суфизм бағытында болып, бір шаңырақтың астына басы сыймай жатыр. Діни алауыздық ең жаман, ең қорқынышты дүние.



Ілімсіз-білімсіз ештене айтуга болмайды! Дін адамның жеке пікірі емес екенін ұмыттық! Алі аруақ деп журмиз! Ширк жасап! Кішкене болса да білім алуға ұмтылу керекқой сосын ширк кеширилмейтин күнә!



Әзірет БАРБОЛ сен ЖОҚБОЛ-саң сопылардың күні не болмақ? Айлы күннің аманында, ораза айында жоқ жерден бүлік шығарған уахабтардың жазасын Құдай Тағалам өзі берер!



Ия, рас айтады. Исматулла қари тағы да қамауда. Оны алғаш рет қамап, Құдайдың досымен ойнамақшы болған есалаң Рахат Әлиев болатын. 1999 жылы Қарасуда ұстаған. Сосын мен бұл шалды Қазақстанда жүргізбеймін деп елден масқаралап қуған. Сөйткен Рахат жәкем арада алты жыл өтер өтпесте атақ абыройдан жүрдай болып, отбасынан ажырап, Отаннан иттей боп қуылып кетті. Хадисте де солай келген. Кім Құдаймен соғысуды тілесе менің досыма тиіссін деген. Құдаймен ойнама шапаныңды шұрқ тесік қылады деген рас екен. Рахат пақыр тентіреп кетті. Бұл жолы да солай болады. Таза жүректі ғана уағыздаудан ешбір шаршамайтын ақжүрек адамға қауіп қатер болмаса керек. Ұстазбен ойнаған опасыздардың Отаннан безіп, отбасынан ажырап, атақ, абыройдан жұрдай болып тентірегенін көргілерің келсе тағы да бес алты жыл күте тұрыңдар. Біз пенде пақырлар асыққан мен Құдайдың асықпайтын әдеті емес пе? Сәл шыдаңдар бауырлар!!!



Куасындарма Исматулла кудайдын досы деп оны аулие кылып табынбаксындарма акылга келендерши олда сендер сиякты адам Алланын дос емес кулы Яссауи озин Алланын досымын демеген болар!



Әрине, Әзірет Барбол қатты эмоцияға беріліп кетеді. Бірақ оның айтқан сөздері жанның айғайы деп білемін. Сосын оны діннен хабары жоқ, сауатсыз деп айтатындар өздері сауатсыз. Себебі, Әзірет дінді арабиядан үйреніп келгендерден емес, жергілікті адамдардан үйренген. Қазақтың салт-дәстүрі мен шариғатты шатастырма деп жатыр баз біреулер, негізінде, қазақтың дәстүрі шариғаттан алыстап кетпейді. Ауылда ештеңеден хабары жоқ жігіттен "дінің қайсы?" деп сұрасаң, "ислам" деп жауап қатары сөзсіз. Сол жігіт мешіт не медресеге барып көрмеген тек, салт-дәстүрді толық меңгерген ата-әжелердің өсиетімен өскен. Міне, осыдан-ақ, дәстүрдің адамға қалай тәрбие беретінін көруге болады.
Бекболат ағам мен Мұхамеджан бауырымның қазақи жыр мен айтыс өнерін тастап кетпей, одан әрі жалғастырғаны абзалырақ болар еді.



Бекболатта Тазабековта шаткан біреулер клоундар дегенмен мыктысындар актерсіндер. Қазақта сендер сияқты ойышы актерлер жоқ. Бірақ сорлысындар тезектер



Уахаб бауырлар мынаган жауап бере алады ма екен?
Зухруф суресінің 86-шы аятында: "Олардың Алладан өзге құлшылық қылғандары шапағат ету күшіне де ие емес, бірақ хақиқатты танып, куә болғандар басқа шапағат ете алады"
Ал қазақтар әулие қолдасын дегені шапағат етсін дегені құран аятындағыдай (зухруф с-сі 86 аят)



Бұл пікірге жауап бергендерге "уахаб" деген жала жаппа!
Біліп қойдым, оқып қойдым деп тұрсың ба? Сенің қолыңда аудармадан басқа не бар?! Алла бермеген білім қайдан болсын сенде?! Тыңда ендеше!
Зухруф сүресі, 86-шы аятында былай деп айтылып тұр:
وَلَا يَمْلِكُ الَّذِينَ يَدْعُونَ مِن دُونِهِ الشَّفَاعَةَ إِلَّا مَن شَهِدَ بِالْحَقِّ وَهُمْ يَعْلَمُونَ
«Білген күйде ақиқатқа куәлік еткендерден өзге Алладан басқаға табынғандар шапағат қылуға иелік ете алмайды».
Енді, көзің ашық мұсылман болсаң, осы аяттан не түсініп тұрсың? "Ақиқатқа куәлік еткен рухтар (әулиелер) өзгелерге ОСЫ ДҮНИЕДЕ шапағатшы болады деп тұр ма екен? Көзіңе әшки, аяғыңа жүн нәски кисейші сен!



ООООО, қуғынбай! Мен не деймін, домбырам не дейді? - деген екен бір қазақ. Сен сол болып отырсың ғой қазір. Аятта "осы дүниеде" немесе "қабірде" деген жері бар ма екен? Көзіңді ашсай! Оянсай кішкене! Ақиқатты айтқан адамға дұшпан болған үстіне дұшпан болғаны несі мұның!!! Мына дүние аяқталсын, қиямет орнасын, сенің Бекет Атаң және өзге де Әулиелерің сол кезде ғана шапағатшы бола алатын шыған кейбір мәселелерде. Ал қазір ол әруақтарыңа тыныштық берсейші. Тыныш қана қабір азабын тата тұрсын да! Аятта "қабірдегі мәйіт шапағатшы болады" деп айтылып тұр ма екен? Адам қуам десе қуады екен ғой. Шәууәл айы туғанда кісендеулі шайтандарың бұлқынып босанып шыққан шақта бұдан да зор адасушылыққа түсуден тайынбайын деп тұрсың ғой сен. Алла тура жол берсін саған! Сен маған аянышпен қарайтын шығарсың, мен де саған аянышпен қараймын.
Ал аудармаға келер болсақ, қайда барсаң онда бар, бұдан гөрі нақтырақ аударма таппассың. Айтқандай ақ айтқан екенмін ғой: сенің қолыңда құр аудармадан өзге не бар еді?!!! Білмесең - білім иесіне жүгінсеңші құр босқа сандала бергенше! Сен сияқты сандалбайлар ғой осы "Уахаб" деген терминді шығарып отырған. Же өзіңнің қазағыңды! Сібірге айда өзіңнің қандасыңды! Сатып бер органдарға! Сен секілділер болуы керек мыңдаған қазақтың атылуына ықпал еткен!



Уаһһабшылар Қазақтың мақалдарын өзгертуге көшіпті " Аңыз түбі , шын - Бақсы түбі жын " дегенді Аруақ түбі жын деп жазып жүр , ал Аруақ деген Рух ( Жан ) деген сөздің көпше түрі Бақсыға еш қатысы жоқ. Қалғанымыз сақ болайық ағайындар !!!



Тағы да "Мен не деймін, қобызым не дейді?" Сен тіпті менің жазған пікірімді оқымаған да сияқтысың ғой. Әулиелердің бағзы біреуі кейбір мәселеде шапағат ету құқығына ие болуы үшін қабірде жатуы керек - деген жері бар ма екен аятта??? Қиямет күні болатын оқиғаны Қиямет болмай жатып болдырып қойған сені көрдім. Шариғатымыз сендейлердің келте санасы себепті ғасырлар бойы өзгертілді - десе, сенер едім!
ҚАСАРЫСҚАН ҚАЗАҒЫМ-АЙ, ҚАРҒАЙЫН ДЕСЕМ "ӘРБІР ҚАЗАҚ ЖАЛҒЫЗЫМ" ҒОЙ, ҚАЙТЕЙІН? ДҰҒА ЕТЕЙІН АЛЛАДАН!!!



Әй бауырым жарар енді, бұл уахабшылармен босқа несіне сауғаласасың ? Олар бәрібір
түсінбейді де өресі де жетпейді. Қай уақыттан бері мұсылман екенін де айта алмайды



Ассалаумағалейкум !!! Мен танымасамда Әзірет Барбол дегеннің мақаласына толықтай қосыла отырып өз пікірімді білгендерімді халық алдында айту парызым деп санаймын,
Аруақты қорлатып , Ата Бабаларымызды мүшрік дегізіп қарап отырғанымыз жөн бе ???
Әзеке Алланың разылығында болуыңызға тілектеспін !!!



Дурыс айтасын бауырым! Олар жанатка барамыз дейди. Сурайыкшы солардан, олгеннен кейин олар Жанатка калай жане немен барайын деп жур екен, а?



Әзірет Барболға тілегеніңді Алла саған да жазсын. Әзекеңді мен де танымаймын, мақаласын қолдаймын. Аруақ, ата-баба дегенде жасындай жарқылдаған жаныңнан айналайын. Екі өмірде де ата-бабаларымызбен Алла бір қылып, сүйген құлым-дегей біздерді! Алла тектілігіңнен айырмасын сені, асылымның сынығы!!! Исатай.



Бір біліп алған нәрсеңді айтып салғың келіп тұр ғой. Саған да сөз берейінші, ары қарай іліп әкет! Болдыртпай тастағың кеп тұр ғой ата дұшпаныңды: Мен "әл-миисәәқ"-тан бері (Раббым рухымнан келісім алған күннен бері) мұсылманмын. Енді құлағым сенде, жетістірсең - сөйле!



Ширк деген не? Қалай түсінесің ? Адамдар адамдардан көмек жәрдем сұраса немесе Әулиеден бата сұраса ширк пе ?



"Тық деген тауыққа тиеді" дейді қазекем. Сол сияқты "ширк" деген сөз шайтандарыңды қоздырып жатыр ма??? Айт десең айтып бере қояйын: адамдар тірі адамдардан көмек жәрдем сұраса - табиғи құбылыс. Ал енді адамдар өлі адамдардан көмек жәрдем сұраса - міне осы ширк, ширк болғанда қандай ширк десеңші! Ең үлкен ширктердің бірі бұл!
"ШИРК" - арабтың شريك /шәриик/ сөзі, яғни "СЕРІК" дегенді білдіреді. Ал енді "Ләә шәриикә ләк!" /Сенің серігің жоқ!/ деген дұғаны сен әр күні айтып жүрсің. "ОРТАҚ" деп те аударылып жүр бұл сөз. Қалай болғанда да Алла ғана істей алатын іс-әрекеттерді өзге де жаратылыстар істей алады деп сену - міне осы ширкке жатады. Қабірде жатқан Бекет қирия тірілерге (оның ішінде батыстықтарға) көмек жәрдем береді деп сену - мұсылманның сенімі емес. Нағыз ширктің өзі.



Иә, әрине, Алланың үйіне дұрыс ақидадағылар көбірек барады да. Сен секілділер сеңдей соғысып интернет жағалағаннан өзне нені жарытар дейсің? Сендер үшін мешіт жамағаты да уахабис, мешіт имамдары да уахабис, ол имамдарды тағайындаған Муфтият қызметкерлері де уахабис.
Сүттен ақ, судан таза өздеріңнен басқа кім бар екен осы???



Сопылардың жүзінен жылылық пен нұр байқадым, Сендерден қатыгездікпен зұлмат байқадым.

Пікір қосу

  • Адреса страниц и электронной почты автоматически преобразуются в ссылки.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd>
  • Строки и параграфы переносятся автоматически.

 

 

Мұрағат

Маусым 2014
ДсСсСрБсЖмСбЖс
2345678
9101112131415
16171819202122
23242526272829

Айлық статистика

<<  >>

Ең көп оқылған