Jwma, 25 Mamır 2018
Aybın 8051 4 pikir 28 Tamız, 2017 sağat 10:02

«Parasattı policey» bayqauı märege jetti

Soltüstik Qazaqstan oblısında işki ister organdarı qızmetkerleri arasında ötken «Parasattı policey» dästürli segizinşi respublikalıq bayqauınıñ qorıtındısı şığarıldı. 

Qazaqstan Respublikası işki ister ministrliginiñ bastamasımen ötkizilgen bayqaudıñ maqsatı – işki ister organdarında til sayasatın nasihattau, policeylerdi Otansüygiştik ruhta tärbieleu, tilge degen qwrmetin arttıru, qızmette jäne üyde memlekettik tildiñ qoldanıs ayasın keñeytu, sonday-aq policiya mamandığınıñ märtebesin köteru bolıp tabıladı. 

Biıl «Parasattı policey» bayqauına ärtürli wlt ökilderinen qwralğan 95 policiya qızmetkeri qatıstı. Qazaqstannıñ barlıq oblısınan jinalğan 19 komanda bayqauda türli tvorçestvolıq tapsırmalardı orındau arqılı özderiniñ alğırlıqtarın, akterlik qabiletterin,  şeberlikterin paş etti. Käsibi terminder, memlekettik tilde söylemderdi dwrıs äri ädemi qwrau boyınşa biliktilikterin sınğa salu kezinde komandalar özderiniñ joğarı dayındıq deñgeyin körsete bildi.

«Parasattı policey» bayqauınıñ qorıtındısında Ädil qazılar alqasınıñ şeşimimen birinşi orın alğan Aqtöbe oblısı İİD-niñ «Sert beremiz» komandası üzdik tanıldı. Ekinşi orındı Aqmola oblısı İİD-niñ  «Kökşe saqşıları» men Jambıl oblısı İİD-niñ «Taraz qırandarı» komandaları özara bölisti, al üşinşi orın Mañğıstau oblısı İİD-niñ «Kaspiy» jäne QR İİM Qostanay akademiyasınıñ «Qabılbaev wrpaqtarı» komandalarına bwyırdı.

Bwğan qosa, 5 nominaciya boyınşa kelesi komandalar jeñimpaz tanıldı:
-«Körermen közayımı» nominaciyasında - Almatı oblısı İİD-niñ «Mäñgilik el» jäne Qarağandı oblısı İİD-niñ «Alaş aybını» komandaları;
-«Wyımşıl komanda» nominaciyasında - Astana qalası İİD-niñ «Elorda» komandası;
-«Önerli komanda» nominaciyasında - QR İİM Qarağandı akademiyasınıñ «Saqşılar ordası» komandası;
-«Tilegi men tili bir» - nominaciyasında - Qızılorda oblısı İİD-niñ «Sır saqşıları» komandası;
«Akterlik şeberligi üşin» nominaciyasında - Aqmola oblısı İİD komandası jeñis twğırınan körindi.

Bayqaudıñ jabılu saltanatında İşki ister ministriniñ birinşi orınbasarı Marat Demeuov barlıq jeñimpazdardı qwttıqtap, arnayı dipolmdar men bağalı sıylıqtar tabıs etti.
Marat Demeuov öziniñ qwttıqtau sözinde memlekettik tildi meñgeru deñgeyin arttıru – policiya qızmetkerleriniñ käsibi ortasın nığaytıp, olardı patriottıq ruhta tärbielep, özderiniñ mamandığına degen maqtanış sezimin qalıptastıratının atap ötti.

Sonımen birge qazaqstandıq policiyanıñ 25 jıldığı ayasında köliktegi işki ister departamenti, öñirlerdegi işki ister departamentteri arasında aytulı merekege arnalğan is-şaralar turalı beynerolikter bayqauı ötkizilgen bolatın. Üzdik beynerolik üşin İ därejeli diplommen Mañğıstau oblısı işki ister departamenti, İİ därejeli diplomdarmen Jambıl jäne Soltüstik Qazaqstan oblısı işki ister departamentteri, İİİ därejeli diplomdarmen Astana qalası, Almatı jäne Şığıs Qazaqstan oblısı işki ister departamentteri marapattaldı. Sonday-aq üzdik klip üşin Mañğıstau oblısı İİD arnayı diplomdı qanjığasına bayladı.

İliyas Aqbay

Abai.kz

4 pikir