Jwma, 24 Qaraşa 2017
Anıq 2618 3 pikir 13 Qazan, 2017 sağat 02:48

Qırğız prem'eri Nazarbaevpen kelissöz jasağan joq

Bwl özi bir beysauat sayasi tartıs boldı. Qoñşılas jatqan qazaq-qırğızdıñ arasındağı söztartıs äli tınşır emes. Tınşıtpay twrğan Atambaev bastağan qırğızdıñ sayasi elitalıq top müşeleri. Sözden sürindi. Jalğan mälimet tarattı.

Äueli, birtuğandardıñ bildey basşısı, qırğızdıñ törtinşi prezidenti Almasbek Atambaev qızdı-qızdımen özi ağalap-jağalap jürgen Qazaqstan Prezidentin tildep, odan qalsa qazaq tarihı turalı bwrmalanğan äm şındıqqa janaspaytın jalğan mälimdeme jasap edi.

Atambaevtıñ aytqanı külli qırğızdıñ auzındağı söz emes

Atambaevtıñ auzındağı söz külli qırğız jwrtınıñ auzındağı söz emes dep sılap-sipağanımızben, bwl halıqaralıq masştabta talqılandı.

Sayasatkerler Atambaevtıñ aytqandarın sayasi nauqanğa balap, partiyalasın äm prem'erin prezidenttik kresloğa otırğızu üşin jasalğan twyaq serper äreketi dep bağalağanımen, batıstıq basılımdar Nazarbaev pen Atambaevtıñ arası suığanın aytıp jariyağa jar saluda.

Aqırında Atambaevqa jauaptı Qazaqstan Ükimetin basqaratın Baqıtjan Sağıntaev mırza jauap berip, jauap degende wzın-sonar eseptik tizim jasadı. Al Atambaev Reseydiñ Soçiinde ötken TMD basşılarınıñ sammitine barmay qoydı. Bwğan da sebep sol bayağı Almas baykeniñ Nazarbaevqa degen ökpesi bolsa kerek. Prem'er-ministri Sapar Iskakovtı jiberip, özi saylaualdı nauqandı baqılap qaldı.

(Sapar Iskakov, Qırğızstan Prem'er-ministri)

Prezidentter Soçide jürgende Qordaydağı qazaq-qırğız şekarasında keleñsizdikter orın alıp, baqılau küşeydi. Bwrınğıday artınıp-tartınğan qazaq pen qırğız emin-erkin öte almay, şekarada şataq boldı.

Al Qırğızstannıñ ökili bolıp, kil prezidentterdiñ ortasında otırğan qırğız prem'eri Sapar Iskakov endi-endi basılıp kele jatqan daudıñ biltesin qayta twtattı.

Qırğız prem'eri ötirik mälimet tarattı

Äñgime bılay boldı: Qırğız Respublikasınıñ su jaña prem'er-ministri Sapar Isakov 2017 jıldıñ 11 qazanında "Facebook" äleumettik jelisindegi jeke paraqşasında qırğız-qazaq memlekettik şekarasındağı ağımdağı jağday boyınşa öziniñ Qazaqstan Respublikasınıñ Prezidentimen kelissözderi turalı aqparat jariyaladı.

"JEEKniñ otırısı barısında Qırğızstan prem'eri Sapar Iskakov Qazaqstan Prezidenti Nwrswltan Nazarbaevpen kezdesip, şekara mäselesin sö zetti. Şekaradağı mäselede tek Qırğızstan men Qazaqstannıñ azamatatrı emes, basqa da memleketterdiñ azamattarı twrğandıqtan, Prezident Nazarbaev Qazaqstan Ükimetine tapsırma berdi. Mäsele şeşiletin boldı" degen auandağı aqpardı bölisti.

Onı ilip-alıp jwrtqa jayğan aqparat qwraldarı Sapar mırzanıñ sätti saparın qorıtındılap, Prem'er men Prezidenttiñ kezdesui nätijeli boldı dep jazdı. Iä, mäseleniñ dausız şeşilgenin biz de qwp köremiz.

Deytwrğanmen Sapar mırzanıñ Qazaqstan Prezidentimen kezdesken jalğan bolıp şıqtı. Tipti, şekara mäselesi resmi protokolda talqılanbağanı belgili boldı.

Qazaqstan Ükimet basşısınıñ baspasöz qızmeti resmi türde mälimdeme jasadı. Mälimdemeniñ mätini tömendegidey:

Birinşiden, Soçide (RF) Joğarı Euraziyalıq ekonomikalıq keñes otırısınıñ ayasında Qazaqstan Prezidenti men Qırğızstan Prem'er-Ministriniñ kelissözderi ötkizilgen joq.

S. Isakov mırzanıñ jeke Facebook paraqşasında ornalastırılğan fotosurette rastalğanday, onıñ bizdiñ Elbasımızğa jaqındap kelui ğana orın aldı.

Ekinşiden, Qazaqstan Prezidentiniñ «şekarada tuındağan barlıq mäselelerdi şeşu boyınşa Qazaqstan Ükimetine tapsırma bergendigi» turalı aqparat şındıqqa janaspaydı.

Aqiqatında, Ükimetke atalğan mäsele boyınşa ükimetaralıq konsul'taciya ötkizu turalı tapsırma berildi.

Bwdan bwrın qazaqstandıq BAQ-ta habarlanğanday, qazirgi kezde Qazaqstan Respublikasınıñ WQK Şekara qızmeti qazaqstandıq İİM, memlekettik kirister jäne köliktik baqılau komitetterimen birlese otırıp, elimizdiñ memlekettik şekarasınıñ barlıq perimetri boyınşa, onıñ işinde qazaqstandıq-qırğız aumağında da josparlı şekara operaciyasın jürgizude.

Şekaradan ötetin jeke twlğalardı, kölik qwraldarın, jükter men tauarlardı tekserudi küşeytu şaraları qoldanıstağı zañnama şeñberinde qazaqstandıq jäne şeteldik azamattardıñ qwqıqtarın şekteusiz jürgizilude.

Şekaranı kesip ötu üşin eşqanday şekteu nemese tıyım salınıp jatqan joq.

Josparlı şekara operaciyasınıñ bastı maqsatı – şekaralıq keñistiktegi qwqıqqa qarsı äreketterdiñ aldın alu, terroristik, kontrabandalıq jäne basqa da qılmıstıq äreketterge qatısı bar twlğalardı anıqtau, şekara tärtibi men köşi-qon zañnamasınıñ saqtaluın tekseru.

Öz kezeginde Qırğız Respublikasınıñ Şekara qızmeti Qırğızstan Prezidenti saylauına dayındıq jäne onı ötkizu kezeñinde şekaralıq baqılaudıñ küşeytilgen tärtibine köşti.

Qazaqstan Respublikası Prem'er-Ministriniñ Baspasöz qızmeti bwrmalanğan aqparattıñ taratıluına resmi türde tüsinbestik bildiredi jäne öziniñ şınayı aqparat beru mäselesinde kez kelgen BAQ-pen ıntımaqtastıqqa aşıqtığın rastaydı.

12 qazan 2017 j.

Almasbek Atambaev: Men Reseydi süyemin!

Mine, jağday solay. Atambaev mırza qızara börtip qazaq-qırğızdıñ irgesin sögerdey söli joq sözderimen erekşelengen edi. Altı jılda samay şaşı setinep, aq basqa aynalğan Almas baykeniñ Resey Prezidentiniñ qonağı bolıp, aqtarıla söylep, "Men Reseydi süyemin" degeni esimizde.

Iä, Almasbek Atambaev reseyşil adam degendi jii aytamız. Olay deuimizge dälel de jetip-artıladı. Mısalı, 2011 jılı 10 qazan küni Almasbek Atambaev Mäskeuge bardı. Ol kezde Almas bayke qırğız tağına ümitker 19 kandidattıñ biri edi. Sol kezdegi prem'erzident Putinmen kezdesip, qoldauına ie bolıp qaytqanı bar. Biz köz jwma salayıq degenge bolmas, orıstıñ aqparat qwraldarı bwl kezdesudi äli wmıtqan joq.

Mwnı nege ayttı deseñiz,küni keşe ğana Almasbek Atambaev özi bastap, Ükimeti qoştap Qazaqstan Prezidenti Nwrswltan Nazarbaevqa qırğız saylauına ıqpal jasamaq dep ayıp taqtı.

Atambaevtıñ azınata aytqandağı sebebi, onıñ partiyalası Sauranbay Jienbekovtiñ saylaudağı bastı ümitker bolğandığı. Sol üşin de sammit aldında Soçige özi barıp qayttı.

Bwl kezde Prezident Nazarbaev tağı bir lider kandidat Ömirbek Babanovqa batasın berip qoyğan bolatın.

"Qırğızdıñ birinşi basşısı siz boluıñız kerek edi, Nwreke" degen Almas bayke at kekilin kesiskendey bolıp, ağasımen kezdeskisi de kelmeytinin işaramen jetkizdi. Onısı, sol Soçige kelmey qoyğanı da. Äytpese, özi süyetin Reseyge, özine aq batasın bergen Putinniñ şaqırtuın ısırıp qoyarday bälendey sebeptiñ joqtığın qırğız sayasatkerleri aytıp otır.

Aytpaqşı, Sapar Iskakov sol Sauranbaydıñ ornına tağayınalğan prem'er. Ol da oñıp twrmaptı. Qazaqstan Ükimeti Sapar baykeniñ sözin teristep otır. Endigi jauap qırğız taraptan bolmaq.

Al äzirge belgilisi - Qazaqstan Prezidenti Sapar Iskakovpen kelissöz jürgizgen joq! Bwl anıq.

Qosımşa: 

Alikbek Jekşenkulov: Atambaevtin emociyanalduu sozuno kapa boldum

Ravşan Jeenbekov, eks-deputat: Atambaevdin sozdoru çekten çıkkan

QR SİM Qırğızstan prezidentiniñ sözine baylanıstı mälimdeme jasadı

Qazaqstan SİM-i: eki eldiñ dostığına nwqsan kelmesine senimdi

Sağıntaev Atambaevqa jauap berdi

Qazaq prezidenti baratın jiınğa Qırğız prezidenti barmaytın boldı

Şeteldik BAQ: Putinniñ jaqtastarı özara daulasıp jatır

Bajırayğan balday til, balday tildi söyley bil - qırğız naqılı

Resey Qırğızstannıñ barlıq qarızın keşire me?

Nwrgeldi Äbdiğaniwlı

Abai.kz

 

Автор

Nwrgeldi Äbdiğaniwlı

Kontent-redaktor

Nwrgeldi Äbdiğaniwlı - QR Aqparat salasınıñ üzdigi. Sayasi şoluşı.
3 pikir

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 10453
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 18693
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 31935