Särsenbi, 17 Qañtar 2018
Qazaqtıñ tili 1613 59 pikir 5 Jeltoqsan, 2017 sağat 09:33

Digrafsız jäne apostrofsız älipbi jobası

Qazaqstan Respublikası öziniñ sayasi-ekonomikalıq, äleumettik  mäselelerin şeşu jolında derbes sayasat wstana otırıp, elde orın alıp otırğan özekti mäselelerdi şeşu maqsatında jäne el aldında twrğan alıs jäne jaqın bolaşaqqa arnalğan wstanımdardı jüzege asıru jolında eñbek etu maqsatında qwrılğan täuelsiz memleket bolıp tabıladı.

Osı sebepti XXI ğasırdağı IT-tehnologiyalardıñ damuımen jäne älemdik narıqta ağılşın tiliniñ beleñ aluımen baylanıstı tendenciyalarğa ilese otırıp damu maqsatında Elbası N. Nazarbaev qazaq tiliniñ latın älipbiine köşu qajettiligine nazar audarıp qana qoymay, 2017 jılı osı ürdisti tübegeyli jüzege asırudı qolğa aldı.

Üstimizdegi jılı qazaq tiliniñ latın älipbiine köşu üderisine qatıstı birşama pikirtalastıñ da orın alğanın ayta ketu kerek. Qızu talqığa tüsken mäselege men de köñil audarıp, bey-jay qalmauğa tırısıp, öz älipbiimdi wsınudı jön kördim.

Şıntuaytında, bwl älipbidiñ dayındalğan merzimi 2017 jıldıñ kırküyegi edi. Sol kezden beri qoğam qayratkerleri men lingvist ğalımdardan, sonday-aq, qwzırlı organdardıñ ökilderinen qwralğan jwmıs tobınıñ otırıstarı nätijesinde halıqtıñ basım köpşiliginiñ köñilinen şığatın bir älipbi nwsqası wsınılar degen oyda edim.

Alayda bolğan is boldı, Jarlıqqa da qol qoyıldı, wsınılğan älipbige qajet jağdayda özgerister engiziletini de jariyalandı.

Sondıqtan elimniñ tarihında orın alıp otırğan osınau igi bastamağa men de öz ülesimdi qosuım kerek degen oymen qazaq tiliniñ latın grafikasına negizdelgen älipbiiniñ tağı bir nwsqasın wsınğalı otırmın.

Mısal retinde «Abay jolı» romanınan üzindi keltirudi jön kördim.

«Abay jolı» romanınan üzindi

 

 

Älipbidiñ wsınılıp otırğan nwsqasındağı latın qaripteriniñ belgilenui men qoldanıluına qatıstı arnayı sipattama kelesi materialdarda jariyalanadı.

 Ayım Tilepbergen, mädeniettanu magistri

Abai.kz

 

 

 

59 pikir