Beysenbi, 18 Qañtar 2018
Qwyılsın köşiñ 1447 7 pikir 6 Jeltoqsan, 2017 sağat 14:56

Elbasınıñ tapsırmasımen qwrılatın qordıñ Jarğısı dwrıs boluı kerek

 

«Nwr Otan» partiyasına

QR Mädeniet jäne sport ministri

A. Mwhamediwlına!

 

QR Sırtqı ister ministri

Q. Äbdirahmanovqa!

 

Üstimizdegi jıldı Astanada ötken Düniejüzi qazaqtarınıñ V qwrıltayında Wlt Köşbasşısı Nwrswltan Äbişwlı Nazarbaev şettegi jäne elge köşip kelgen ağayındardı qoldau üşin «Otandastar» degen qor qwru turalı Ükimetke tapsırma bergeni mälim.

Atalğan Qwrıltayda Prezident «Otandastar» qorı Düniejüzi qazaqtarınıñ qauımdastığımen birlesip, otandastarğa jan-jaqtı qoldau men kömek körsetu is-şaraların anıqtap, keşendi bağdarlama äzirleui kerektigin de atap aytqan bolatın. Äzirlengen keşendi bağdarlamada qazaq köşiniñ mäseleleri, alıstağı ağa­yınmen baylanıstıratın barlıq mäse­leler qamtıluı tiis ekeni tapsırılğan. Bağdarlamanıñ basımdıqtarı men mindetteri Qor arqılı iske asırılatının da eskertken.

Elbasımızdıñ sol tapsırması negizinde, Qazaqstan Respublikası Ükimetiniñ 2017 jılğı 13 qazandağı №644 qaulısımen «Otandastar qorı» kommerciyalıq emes akcionerlik qoğamı qwrıldı.

Ükimet Qaulısında «Şeteldegi jäne Qazaqstan Respublikasına köşip kelgen etnikalıq qazaqtardı qoldaudı qamtamasız etu qoğam qızmetiniñ negizgi nısanası bolıp ayqındalsın» delingen. Endi osı maqsattı negizge ala otırıp, QR Mädeniet jäne sport ministrligi men QR Sırtqı ister ministrligi «Otandastar» qorınıñ Jarğısın jasaytını anıq.

Söz joq, «Otandastar» qorı Elbası erte jolğa qoyğan, tarihi, strategiyalıq mañızı tötenşe zor köşi-qon sayastına öz septigin tigizedi jäne bolaşaqta Izrayl men Germaniyanıñ wlttıq köşi-qon qorları sekildi ülken missiyanı arqalaydı.

Ol üşin, eñ aldımen, JARĞI dwrıs bekitilui kerek!

Bügingi tañda, Qwdayğa şükir, köşip kelgen ağayındardı qoldau jağı tük qiındıq tudırmaydı. Mäsele, şettegi qandastarımızğa qol wşın beru jağı är elde ärqilı jüzege asırılatını belgili. Erkin, demokratiyalı batıs elderi men bir şekpennen şıqqa TMD memleketteri Qor jwmısına kedergi keltirmey, tüsinistikpen qaraydı. Al, «Erteñ köleñkesinen qorqatın, az wlttarğa degen sayasatı Sarıarqanıñ jeli sekildi wytqımalı elderge baru, qandas bauırlarğa kömek beru mäselesi qalay boladı?!» degen tüyindi osı bastan jaqsı oylasqan äbzal.

Demek, Qor memlekettik wyım bolmağan soñ, tek ekonomikalıq kömekpen ğana şektelmey, etnikalıq qazaqtardıñ ruhani, sayasi bostandığına da köñil böletinin esten şığarmağanı dwrıs.

Sondıqtan, atlğan eki ministrlik «Otandastar» qorınıñ Jarğısına «... etnikalıq qazaqtardıñ müddesin qorğaydı!» degen sözdi mindetti türde kergizui kerek! Bwl bap Otandastar qorınıñ ğana emes, Düniejüzi qazaqtarı qauımdastığınıñ da jarğısında boluı tiis.

Auıt Mwqibek

 05.12.2017

Abai.kz

 

 

 

 

 

 

7 pikir