Seysenbi, 16 Qañtar 2018
Äne, kördiñ be? 7099 6 pikir 10 Qañtar, 2018 sağat 09:05

Elektrondı kündelikten bas tartamız!

Elektrondı kündelik jobası mwğalim jwmısın «oñaylatuğa» arnalğan joba. Ol qazir barlıq jerde pilottıq joba retinde jwmıs istep jatır. Dese de, sol elektrondı kündelikten bas tartudıñ däleldi sebepterin wsınudı jön sanap otırmız. Bizdiñ oyımızğa ministr Sağadiev ne der eken? 

1. Jüye tek qana internet bar ortada jwmıs jasaydı. Qazaqstannıñ är aumağındağa mektepterdiñ internetke qoljetimdiligi ärtürli. Kezekpen nemese interneti bar jerlerde ğana kündelik toltıruğa mümkindigiñ bar.

2. Bwl Reseyden köşirip alınğan joba. Qazaq tilindegi nwsqasında köp jerleri qazaqşağa audarılmağan, biraz öñdeudi qajet etedi.

3. Kündelik jüyesinde sabaq kestesi avtomattandırılmağan. Är sabaqtı är toqsanğa jeke-jeke qolmen toltırıladı. Mwğalimderdiñ qay sabaqtan beretini, tariftik jospar boyınşa qay mwğalim neşe sağatpen jürgendigi, SES-tiñ talaptarı boyınşa är sabaqtıñ qiındıq därejesi boyınşa avtomattı türde sabaq kestesin jasauğa qauqarı joq. Sondıqtan onı jürgizu üşin arnayı adam bolmasa arı qaray jwmıs jasau mümkin emes.

4. kz qoldau qızmetteriniñ siltemeleri Reseydiñ «Dnevnigine» qaray jol tartıp twr

5. Bwl jüyede de monitoring jürgiziledi. Olap.kundelik.kz saytına paydalanuşı atı: MONITORING, qwpiya söz: kundelikkz terip Qazaqstannıñ kez kelgen jerin köre alasız. Türli diagrammalarmen qay oblıs neşinşi orında, qay jer belsendi barlığın köre alasız. Osı reyting arqılı kiruge jağday bolmağan mektepterdiñ mwğalimderi eskertu, sögis aluda.

6. Ata-ana men oquşınıñ üyinde jağday bar ma? Qalalı jerde bar şığar, bireuge ıñğaylı şığar. Biraq ata-ana men oquşılardı mwğalimder özderi kire almay jürgende qalay kir dep aytadı? Keybir jerlerde ata-ana men oquşınıñ kiruin qadağalau turalı bwyrıqtar bar. Bwl degenimiz közboyauşılıq, mwğalim ata-ananıñ, oquşınıñ ornına özi kirip rölin somdaydı degen söz.

7. Elektrondı kündeliktiñ qağazben qosa qoldanıluı eki jwmıs ekenin barlığı biledi. Bilim jäne ğılım ministrliginiñ ekeuiniñ bireuin ğana tañdauğa bolatınına bwyrığı bar ekenin bile twra ekeuin de toltırudı talap etip otır.

8. Elektrondı kündelikti tolıq avtomattandıru qajet, jeke ştat berilui kerek. Onımen jwmıstı qazir «qoğamdıq» jwmıs retinde mwğalimder atqarıp jür.

Kündelikti toltırmau üşin de osınday sın pikirler aytılıp jür dep kelispeytinder de bar. IT salasınıñ mamanı retinde kündelik jobası tolıq avtomattandırılmayınşa,  qoldanıluı köpşilikke ıñğaylı bolmayınşa qoldau tabuı ekitalay.  Köp jağdayda keybir jobalar köpşiliktiñ eskeruinsiz enip ketip jatır. Bizden swrauşı ma edi. Ne bolsa da soñı qayırlı bolsın

M. Temirbek, «Mwğalim märtebesi» qoğamdıq birlestigi

Abai.kz

6 pikir