Särsenbi, 17 Qañtar 2018
534 12 pikir 10 Qañtar, 2018 sağat 10:19

Nazarbaev: Qazaqstan damığan 30 eldiñ qatarına kirui tiis

Qazaqstan prezidenti Nwrswltan Nazarbaevtıñ "mañızdı mälimdemesi" 10 qañtarda baspasözde jariyalanatın dästürli joldauınıñ anonsı bolıp şıqtı. Nazarbaevtıñ altı minuttıq sözin 9 qañtarda birneşe memlekettik telearna körsetti.

Qazaqstan basşısı 30 damığan eldiñ qatarına kirip, "Törtinşi önerkäsip revolyuciyası däuirinde" damu üşin aldıda twrğan "on mindet" turalı ayttı. Olardıñ işinde jaña tehnologiyalar salasında el industriyasın üzdikter qatarına ilindiru, resurs potencialınıñ tiimdiligin arttıru, qarjı sektorın qayta öñdeu, jemqorlıqpen küres jäne adam kapitalınıñ sapasın küşeytu bar.

Bwdan bölek Nazarbaev eñbek ötilimine säykes bazalıq zeynetaqı mölşerin 1,8 ese köbeytu, jaña bağdarlamalar boyınşa qayta oqığan mwğalimder jalaqısın 30-50 payızğa arttıru jöninde ayttı.

Prezident "tez ösip kele jatqan qalalardıñ mäseleleri men investorlardıñ qızığuşılığın arttıratın" "Smart Siti" tehnologiyasın damıtuğa nietti ekenin bildirdi.

Memlekettik aqparat qwraldarı jariya bolmay twrıp "mañızdı mälimdeme" dep tanıstırğan sözinde Nazarbaev biılğı BWW-nıñ qauipsizdik keñesine törağa bolu men Wlttıq qordıñ 22 milliard dollarınıñ bwğattalğanı turalı aytpadı.

Prezident bıltır da dästürli joldauı baspasözde jariyalanar aldında ortalıq telearnalardan mälimdeme jasağan.

Abai.kz

12 pikir