Seysenbi, 16 Qañtar 2018
Apat 1014 2 pikir 11 Qañtar, 2018 sağat 22:46

Tağı da boran boluı mümkin

Bügin äleumettik jeliden maza ketti. Astana qalasındağı bwrqasındağan boran bükil eldi äbigerge salıp qoydı.

Aqmola oblısındağı birqatar audanda sabaqtar toqtatılğan. Bilim basqarmasınıñ saytında erteñ de sabaq bolmauı mümkin ekeni jariyalandı. Erteñ qanday jağday sabaq bolmaydı?

«Bilim beru mekemelerinde sabaq kelesi jağdayda keyinge şegeriledi. Aua temperaturası 25 gradustan tömen jäne jeldiñ jıldamdığı sekudına 2 metr nemese odan joğarı bolğan jağdayda 1-4 sınıptarğa. 27 gradustan tömen jäne jeldiñ jıldamdığı sekundına 2 metr nemese odan joğarı bolğan jağdayda 1-9 sınıptarğa, 30 gradustan tömen jäne jeldiñ jıldamdığı sekundına 2 metr nemese odan joğarı bolğan jağdayda 1-11 (12) sınıptarğa, käsibi mektepter (licey), kolledjdiñ 1-kurs studentterine, sonday-aq jeldiñ jıldamdığı sekundına 2 metrden asıp, aua temperaturasınıñ körsetkişi 5 gradustan tömen tüsse keyinge şegeriledi».

Boran kezinde 100-den asa kölik apatı orın alğan. Sol sebepti Aqmola oblısında respublikalıq mañızı bar  birqatar joldar jabıldı.

 

Äleumettik jelilerde «Qazaqstan temir jolı» wlttıq kompaniyasınıñ bas keñsesinde tüsirilgen video tarap ketti. Atalğan videonıñ ğimarattıñ 28-şi qabatında ornalasqan dälizde tüsirilgenin bayqauğa boladı. Ol däliz eki mwnaranı qosıp twr. Sol jerde qattı jeldiñ saldarınan nısannıñ qalayşa teñselip twrğanın anıq bayqauğa boladı.

«Qazaqstan temir jolı» wlttıq kompaniyasınıñ baspasöz qızmetiniñ mälimdeuinşe sondaylıq alañdauğa negiz joq körinedi.

Atmosferalıq fronttardıñ ötuine baylanıstı 12 qañtar küni Qazaqstannıñ basım böligine ciklonnıñ ıqpalı saqtaladı. Key jerlerde qar jauıp, twman, köktayğaq boladı, jeldiñ küşeyui, bwrqasın kütiledi, - dep habarladı «Qazgidromet».  Atap aytqanda, Aqmola, Soltüstik Qazaqstan, Pavlodar, Qostanay, Şığıs Qazaqstan oblıstarınıñ key jerlerinde jel 15-20 m/s deyin küşeyedi. Tünde Aqmola oblısında onıñ ekpini 25 m/s jetedi. Jekelegen aumaqtarda bwrqasın soğadı, Qostanay oblısında key jerlerde twman kütiledi.  Tünde Qarağandı oblısınıñ basım böliginde, kündiz key jerlerinde jeldiñ jıldamdığı 15-20 m/s artadı, bwrqasın boljanadı.  Jambıl, Oñtüstik Qazaqstan oblıstarınıñ jekelegen jerlerinde jeldiñ küşi 15-20 m/s jetedi, twman, köktayğaq, bwrqasın kütiledi.   Almatı, Mañğıstau oblıstarınıñ key aumaqtarında twman, köktayğaq jäne 15-20 m/s ekpindegi jel boljanadı.  Qızılorda oblısınıñ key jerlerin twman basıp, köktayğaq boluı ıqtimal.

Şäriphan Qaysar

Abai.kz

2 pikir