Seysenbi, 16 Qañtar 2018
Jañalıqtar 633 20 pikir 12 Qañtar, 2018 sağat 13:23

Mwhtar Qwl-Mwhammed: Bizdiñ mindetimiz – Joldaudıñ mazmwnın barşa halıqqa jetkizu

Bügin «Nwr Otan» partiyası Törağasınıñ Birinşi orınbasarı Mwhtar Qwl-Mwhammed Elbasınıñ «Törtinşi önerkäsiptik revolyuciya jağdayındağı damudıñ jaña mümkindikteri» dep atalatın Joldauına qoldau bildiru maqsatında Demokratiyalıq küşterdiñ «Qazaqstan-2050» jalpıwlttıq koaliciyasınıñ kezekti otırısın ötkizdi.

Otırıstı aşqan «Nwr Otan» partiyası Törağasınıñ Birinşi orınbasarı jaña Joldaudıñ Qazaqstannıñ jüyeli jañğırudağı 10 basım bağıtın jüzege asırudı qamtamasız etetin biregey bağdarlamalıq qwjat ekenin ayttı.

Elbasımızdıñ Joldauında elimizdi sayasi, ekonomikalıq, äleumettik jäne ruhani jañğırtudıñ 10 basım bağıtı ayqın belgilengen. Bizdiñ endigi mindetimiz – ärbir qazaqstandıqtıñ ömiri, densaulığı men twrmısına degen Elbası qamqorlığınan twratın Joldaudıñ mazmwnın barşa halıqqa jetkizu, – dedi Mwhtar Qwl-Mwhammed.

Demokratiyalıq küşterdiñ «Qazaqstan-2050» jalpıwlttıq koaliciyasınıñ otırısına eldegi jetekşi partiyalardıñ basşıları, Parlament deputattarı, Qazaqstan halqı Assambleyasınıñ, käsibi jäne qoğamdıq birlestikterdiñ ökilderi qatıstı. Otırıs barısında olar Memleket basşısınıñ jaña Joldauına baylanıstı öz oyların ortağa salıp, pikirlerimen bölisti.

İs-şara nätijesinde Joldauğa qoldau bildirgen, elimizdiñ barşa azamattarın jıldıñ bastı qwjatın talqılau jäne tüsindiru jwmıstarına belsendi qatısuğa şaqırğan Ündeu qabıldandı.

Abai.kz

20 pikir