Jeksenbi, 27 Mamır 2018
Dañğıl 788 5 pikir 16 Qañtar, 2018 sağat 10:13

Önerkäsiptik revolyuciya - bolaşaqqa bağdar  

Qanday da eldiñ damuınıñ negizgi tetigi ekonomika ekendigine eşkim de dau ayta qoymas. Onıñ qarqındı da serpindi damuı bizdiñ bäsekege qabiletti 30 eldiñ qatarına qosıluımızdıñ ayqın kepili. Mine, sondıqtan da jaqında Elbasımızdıñ öziniñ Joldauın «Törtinşi önerkäsiptik revolyuciya jağdayındağı damudıñ jaña mümkindikteri» dep atauı da osı maqsattı közdep otır. Al endi önerkäsiptik revolyuciyanıñ oydağıday jüzege asuı üşin aldımen elimizge şetelden köptep investiciya tartıp, onı jaña önerkäsipter aşıp, el igiligine qızmet etuge bağıttau degenge kelip tireledi. Osı orayda bizdiñ Qostanay oblısında biraz igilikti ister tındırılıp otır desek, artıq aytqan bolmas.

Bwl jwmıstı jüyeli de tabandı türde jürgizu üşin oblıs äkiminiñ investiciya tartumen aynalısatın arnayı orınbasarı tağayındaldı. Mwnıñ özi dwrıs qadam edi. Öytkeni investiciya sekildi asa kürdeli, şeşui qiın tüyini köp mäselege belgili bir adam jauap berse ğana, bir nätije şıqpaq jäne mwnıñ özi ükimetimiz qabıldağan investiciya tartu jönindegi wlttıq strategiyanıñ talaptarına tolıq say keledi. Qazir elimizdiñ barlıq aymaqtarında da osınday investiciya isin asa jetik biletin, şetel tilderine jetik, bilikti mamandar jiberilip otır. Qanşa degenmen investiciya tartu oñay şarua emes, eger sen sol investordı mıqtı dälel men bwltartpas fakti arqılı ğana sendire alsañ. Al qwr uädege eşkim de aldanbaydı.

Oblısımız investiciya tartudı eñ bir tüyindi mäseleden bastadı. Bizde köpten beri Qarabalıq audanı ortalığında qws fabrikasınıñ berekesi ketip, kim bolsa, sonıñ qolına tüsip, azıp-tozuğa aynalğan edi, Kezinde oblıstı ğana emes, bükil elimizdi qws etimen qamtamasız etip, atı dürkirep twrğan zauıttıñ qazirgi jağdayı adam ayarlıqtay. Oğan jan bitiru üşin talay qadam jasaldı. Mwnda aldımen Qazaqstan-Vengriya qorı men jergilikti belgili käsipker «Jas qanat 2006» jauapkerşiligi şekteuli seriktestiginiñ direktorı Qayrat Mayışev şaqırıldı. Qayrat käsiporındı aralap şıqqannan keyin mwndağı qwral-jabdıqtardıñ barlığınıñ da äbden eskirgendigin, olardı tübirimen jañartu kerek ekendigin aytıp, bwl wsınıstan birden bas tarttı. Alayda oblıs äkimi Arhimed Mwqanbetovtıñ tikeley aralasuımen  «Şañıraq» kompaniyasınıñ basqaruşısı Aleksandr Lorencpen ortaq til taptıq. Kompaniyanıñ qws şaruaşılığındağı täjiribesi mol. Onıñ özinde ğana bes qws fabrikası bar. Alayda bwl oñaylıqpen bola qoyğan is emes. Onımen ötken jıldıñ qaraşa ayında Astanada elimizdiñ prem'er-ministri, auıl şaruaşılığı ministriniñ basşılığımen birlese otırıp, arnayı mäjilis ötkizildi. Oğan Kazagro men Kazagrofinanstıñ ökilderi qatıstı. Aqırı keñese kele, jwmıs istemey twrğan älgi zauıttı «Şañıraq» kompaniyasına beru jöninde şeşim qabıldandı. Osığan oray käsiporındı iske qosu jönindegi asa täptiştelgen jol kartası jasaldı. Endi osı jobağa säykes osı jıldıñ törtinşi toqsanında Qarabalıq qws zauıtı iske qosılıp, alğaşqı önimderin bere bastaydı.

Endigi kezek elimizdegi asa iri mayekstrakti zauıtına qatıstı bolıp otır. Alayda mwnı iske qosudıñ özi ülken problemağa aynalıp otır. Ökinişke qaray oğan layıqtı investor tabu oñaylıqqa tüspey twr. Degenmen «Euraziya-Fuds» kompaniyası onıñ tehnikalıq-ekonomikalıq negizdemesin mwqiyat jasap qoydı. Qazaqstannıñ damu bankisinen kredit aluğa tapsırıs ta berildi. Alayda zaymnıñ payızdıq stavkası jaylı kelisimge kelu qiınğa soğıp twr. Eger qarjı institutarınıñ birimen kelisimge kelsek, bwl joba osı jıldıñ özinde-aq qolğa alınadı. Atalmış zauıt üşin arnayı jer telimi bölinip qoyıldı. Eger şikizat mäselesine keler bolsaq, «Euraziya-Fuds» kompaniyası şeteldik maman-sarapşılardan qorıtındı aldı. Olar zauıttıñ öz önimi oblıstı tolıq qamtamasız etetindigin anıqtap berdi. Bwl eñ aldımen Elbası alğa qoyğan egistik alqaptardı tolıq diversifikaciyalauğa mümkindik beredi. Oblıs äkiminiñ orınbasarı Meyirjan Mırzaliev jaqında elmizde ükimettiñ atınan şeteldik investorlarmen kelissöz jürgizetin jalğız wyım - «Qazaqinvest» basqarmasınıñ törağasımen kezdesti. Orınbasar mäseleniñ oñdı şeşiletindigine senimdi bolıp qayttı.

Tağı bir mäsele - oblısımızdıñ Arqalıq qalasında et wqsatu öndirisin iske qosu bolıp otır. Mwnıñ özi öñirimizdiñ Torğay sekildi öñirinde mal şaruaşılığın qarqındı türde damıtuğa zor mümkindik  bereri sözsiz. Bwl joba osı jıldıñ alğaşqı jartı jıldığında-aq jüzege asadı. Pol'şadan äkelingen önimdiligi joğarı jaña jabdıqtar ornatıladı. Quattılığı künine 10 tonnadan asıp jığıladı. Käsiporında et qana emes, sonday-aq şwjıq sekildi basqa da önimder şığarıladı. Mwnıñ özi qosımşa qwnnan payda tabuğa boladı degen söz. Eñ bastısı mwnda 120 jaña jwmıs ornı aşıladı. Al negizgi maqsat - et önimderiniñ sapasın arttırıp, bäsege qabiletti bolıp, eksportka jol aşu. Osı orayda Elbasınıñ Joldauındağı "Şikizattı qayta öñdeudi qamtamasız etip, älemdik narıqtarğa joğarı sapalı dayın önimmen şığuımız qajet" - degen söz bwl isterdiñ dwrıs bağıtta jürip jatqandığın bildirse kerek..

Bıltırğı jılı bizdiñ oblıstıñ bedeldi delegaciyası biraz elderdi aralap qayttı. Maqsat - qaytkende de investiciyanı köbirek tartıp, şeteldikterdi bizdiñ önerkäsipti damıtuğa qarjılıq kömek körsetui. Mäselen, Qıtayda jergilikti birqatar iri kompaniyalarmen kelissöz jürgizildi. Qıtaydıñ transwlttıq kompaniyası Qostanayda avtomobil' önirisimen aynalısatın «Allyur kompaniya tobı» kapitalına kiredi. Olarmen kelissöz barısında Qıtay investorları keleşektegi on jıl işinde avtoönerkäsibimizge barlığı 1.2 milliard dollar salatın boldı. Bwl aytuğa ğana jeñil asa qomaqtı soma.

Oblıs delegaciyası Pol'şada da bolıp qayttı. Europada bwl el agraralıq sektor jaqsı damığandığımen asa tanımal. Bwl bağıtta birneşe birlesken joba jüzege asırılmaq. Onıñ işinde qwrılıs industriyasına da erekşe köñil bölinbek.

Minekey, qısqaşa aytqanda oblısımızdıñ Elbasınıñ Joldauına jüzgege asıruğa bağıttalğan şaralarınıñ birqatarı osınday. Ömir toqtap qalmaydı. Investiciya tartu, söytip önerkäsiptik revolyuciyanıñ oydağıday jüzgege asuına üles qosu qostanaylıqtardıñ mañızdı mindetteriniñ biri bolıp qala bermek.

Jaybergen Bolatov, Qostanay

Abai.kz

 

 

 

 

5 pikir