Beysenbi, 22 Aqpan 2018
46 - söz 767 4 pikir 10 Aqpan, 2018 sağat 16:46

Baqıt degen ne?

– Baqıt degen ne?

– Jauıp twrğan qar.

– Mwnısı qalay?

– Alaqanıñdı aş.

– Ne üşin?

– Men sağan körseteyin.

– Neni?

– Qardıñ wlpasın.

– Ol sonday kişkentay... jwp-jwqa... jep-jeñil... näzik eken... mine, erip te ketti...

– Tağı da salıp kör.

– Salğım kelmeydi! Ne üşin? Bäribir tağı erip ketedi.

– Qaraşı.

– Iä, qanday ädemi... biraq tağı da erip ketti.. baqıttıñ bwğan qatısı qanday?!

– Sebebi, baqıt ta osı jauıp twrğan qarğa wqsaydı... Ol köktiñ jüzinen sonşalıqtı jep-jeñil bolıp kelip qonadı... Eger onı kütip twrsañ, alaqanıña qondırıp alsañ, ol seniñ qolıñda erip ketedi... Osılay jalğasa beredi... Keyde olar qanşa qonğanımen, sonşalıqtı az bolıp körinedi... Biraq sen odan ülken ümit kütip, senim artsañ, alaqanıñnıñ tolıp twrğanın da bayqaysıñ... Odan jılu da esedi, salqın da soğadı... Sol kezde seniñ jüregiñ şattıqqa toladı, keudeñdi quanış kerneydi... Sondayda erip jatqan wlpağa da renjimeysiñ...

– Biraq sol qar qaşan jauadı? Baqıttıñ belgisi bolıp jauatın qardı aytamın...

– Ol bükil ömiriñ boyı tolassız jaua beredi...

Cerik Pirnazar

Facebook-tegi paraqşasınan

4 pikir