Jeksenbi, 27 Mamır 2018
46 - söz 1111 5 pikir 13 Aqpan, 2018 sağat 10:11

Erteñ jañğıruğa bölingen aqşanı da jep qoyuı mümkin

Murat Baqtiyarwlı öziniñ FB paraqşasında tömendegidey oy tastaptı.
«Qazaqstan territoriya kölemi jağınan älemde 9-orındı ielenedi. Bwl jermen 300 mln halıqtı azıq-tülikpen tolıq qamtamassız etuge boladı. Alayda osınday jerden jılına nebarı 2mlrd dollar köleminde ğana azıq-tülik önimin aladı. Al jer kölemi japırqtay Gollandiya memleketi şetelderge 100 mlrd dollar azıq-tülik önimderin satadı. Onıñ basım böligi gülder men irimşikter. Osınday ülken ayırmaşılıqtıñ bastı sebebi jwmıstı dwrıs wyımdastıra almauşılıq pen osı salanı jaulap, şırmap alğan jemqorlıq dep bilemin. Osıdan tez arada arıluımız kerek» depti.
Osığan oray köpten oyda jürgen pikirlerimdi ortağa saluğa türtki boldı.
Ruhani jañğıru, sananı jaña sapağa köteru turalı köp aytıldı. Alayda eskiden arılmay, jañanı siñire almaymız. Sondıqtan wlttıñ damuına birinşi kezekte keri äseri bar ädetterden arılu qajet. Onsız azıq-tülik öndirisi bolsın, basqa qay sala bolsın adımı aşılmaytın boladı.
Sol arıluğa tiis ädettiñ biri - JEMQORLIQ!
Eger wlttıq jañğıruğa, damığan elder qatarına ene almauımızğa bir kedergi aldımızdan şığar bolsa, ol – jemqorlıq. Täuelsizdiktiñ 25 jılı işinde jemqorlar memlekettiñ neşe milliondağan aqşasın jep qoydı, talan-tarajğa saldı. Aldı şet elge qaşıp ketti. Qalğandarı älemniñ eñ bay adamdarı qatarında jür. Qanşası wstalıp, sottaldı. Biraq jemqorlıq toqtar emes. Memleketti tonauı bılay twrsın, mügedekterdiñ, jetimder men qarttar üyiniñ nesibesin jegender, zeynetaqı qorına qol salğandar da bar. Halıqtıñ, siz ben biz siyaqtı salıq töleuşilerdiñ esebinen jalaqı alıp otırğandar qalay millionerler qatarınan körinip jür? Olar halıqtıñ nesibesin qay kezde, qalay, kimniñ kömegimen wrlap ülgerdi? Osınıñ swrauı boluı tiis.
Erteñ wlttıq jañğıruğa bölingen aqşanı da jerine jetkizbey jep qoyuı da mümkin ğoy.
Ärine, biz qay bir elder siyaqtı jemqorlıqpen wstalğandarğa atu, wrlıq jasağandardıñ qolın kesu siyaqtı jazalar qoldana almaymız. Jastardıñ sanasında «ülken qızmetke qol jetkizsem, ülken aqşa wrlap, bayuıma boladı eken-au» degen oy süyeksiñdi bolıp baradı.
Eger wlt sanasın jañğırtamız desek, eñ aldımen jemqorlıqtı tüp tamırımen joyudıñ eñ qatal äri ımırasız jolın tañdauımız jäne bala-baqşadan bastap jemqorlıqtı jek körip ösetindey tärbie beruimiz qajet.

Ädilbek Qaba

Abai.kz

5 pikir