Beysenbi, 26 Säuir 2018
Alasapıran 1058 4 pikir 13 Säuir, 2018 sağat 09:25

Elbasığa aşıq hat. "Suretşiler Odağında eşqanday jariyalılıq joq"

Qazaqstan Respublikasınıñ Prezidenti

N.Ä. Nazarbaevqa

 Köşirmesi: Qazaqstan Respublikasınıñ 

Prem'er-Ministri

B.Ä.Sağıntaevqa

 

 Köşirmesi:  Qazaqstan Respublikasınıñ

Bas Prokurorı
Q.P. Qojamjarovqa 

 

Köşirmesi:  Qazaqstan Respublikasınıñ

Mädeniet jäne sport ministri

A. Mwhamediwlına

 

A Ş I Q  H A T

 

Qwrmetti Nwrswltan Äbişwlı!

Qazaqstan Suretşiler Odağı – Qazaqstan suretşileri men önertanuşıların biriktiretin erikti eñ bayırğı şığarmaşılıq käsibi Odaq, yağni bir öner salasındağı adamdardı wjımdastırıp, ideologiyasına qızmet jasatu üşin qwrılğan wyım. Ol 1933 jılğı  8 şildede qwrılğan. Qazaqstan Suretşiler Odağınıñ janınan 1944 jılı Qazaqstan Körkemsuret qorı qwrılğan. Keñes zamanında atalğan Odaq memlekettik  mekeme därejesinde bolsa, 1991 jılğı 25 jeltoqsannan bastap AQ bolıp, keyin 2009 jıldan märtebesi qoğamdıq birlestikter sanatında qayta qwrıldı. Qazaqstan aumağında körsetilgen qoğamdıq birlestiktiñ qwramında 17 filial jäne  1100 müşesi bar. Basqaru organı – qwrıltay, atqaruşı organı – basqarma.

2013 jılğı 26 qazanda Qazaqstan Suretşiler Odağınıñ XVII-qwrıltayında basqarma törağası bolıp Baytwrsın Ömirbekov tört jıl merzimge saylanğan. Al 2017 jılğı 15 qaraşada Qazaqstan Suretşiler odağınıñ kezekti XVIII-qwrıltayı ötu kerek edi,  alayda qwrıltaydıñ ötu merzimi wyımdastıra almağandıqtan 2018 jılğı 26 säuirge qaldırıldı.

Elimizdiñ egemendik aluına baylanıstı Suretşiler Odağı jıljımaytın mülikteriniñ köbinen ayırıldı. Sol uaqıtta törağa bolğan E.Mergenovtiñ kezinde satılğan jıljımaytın mülikterdiñ zañsızdığınıñ saldarı äli künge deyin öz şeşimin tappay otır. Onıñ bastı sebebi – Suretşiler Odağında eşqanday jariyalılıq joq. 2018 jılğı 15 aqpanda ğana jıljımaytın mülki köp Odaqtıñ 10 qwrıltayşısı bar ekenin jäne jeke menşik pe degen daulı mäselege  tireldik. Qwrıltayşılar B.Ömirbekov,T.Ordabekov, Kamilla Li, Ö.Jwbaniyazov, Z.Tüsipova, R.Bertileu, B.Ospan, Q.Käkimov, Q.Kametov, S. Älçembaev attı azamattar. Eñ bastısı bwl jerde müliktik qatınastarmen tığız baylanıstı är suretşiniñ qwqıqtarı qaralmağan.  Körsetilgen  qwjat 2016 jılğı 22 qañtarda Ädilet ministrliginde memlekettik tirkeuden ötken. Oblıstıq filialdar qwrıltayşılar tiziminde joq. Odaqtıñ joğarı organı –qwrıltayda 10 qwrıltayşınıñ mäselesi eşqaşan qaralmağan. Eşbir suretşi Odaqtıñ Jarğısında, qwrıltayşılar qwjattarınıñ tüpnwsqasın da körgen emes.  Suretşiler Odağı basqarma törağasınıñ mindetin atqaruşı Ö.Jwbaniyazov köptegen suretşilerge qwjattardı körsetpey otır. Odaq qwrıltayşılarınıñ biri – Qadırbek Kametov Odaqtıñ qwrıltayşısı boluğa öz kelisimin bermegen, eşqanday qwjattarğa qol qoymağan, demek Odaqtıñ törağası Ö.Jwbaniyazov Qazaqstan Respublikasınıñ «Qoğamdıq birlestikter turalı»  1996 jılğı 31 mamırdağı №3 Zañınıñ 10 babınıñ talaptarın öreskel bwzğan.

Qazaqstan Suretşiler Odağı XVII-qwrıltayı rezolyuciyası qaulılarınıñ biri retinde qarastırılğan ülken mäsele – Ükimetpen baylanıs dwrıs jolğa qoyılmay keledi. Osınday jauapsızdıq saldarınan Suretşiler Odağınıñ müşeleri äleumet nazarınan sırt qalğan öner ieleri retinde BAQ betterinde de jazıldı. Atalğan Odaq Mädeniet ministrligimen tığız jwmıs jasamaydı. Odaq tarapınan ükimettik is-şaralarğa baylanıstı wsınıstar berilgen emes. Memlekettiñ til sayasatın tiisti deñgeyde jürgizbeydi. Odaqtıñ saytı tek qana orıs tilinde jürgiziledi. Osılayşa, Ata Zañımızğa jäne «Qazaqstan Respublikasınıñ Til turalı» QR Zañınıñ talaptarına qayşı jwmıs jasalıp keledi. 2018 jılğı 14 naurızda 1100 müşesi bar Suretşiler Odağı basqarması törağasınıñ mindetin atqaruşı Ö.Jwbaniyazovtıñ törağalıq etuimen 2018 jılğı 26 säuirde ötetin XVIIİ-qwrıltayğa oblıstardan keletin 1 delegat 15 adamnıñ atınan dauıs beredi degen adam qwqığın bwzatın demokratiyağa qayşı keletin norma engizilgen. Qazaqstan Respublikasınıñ saylau turalı zañında, eşbir örkenietti  memlekettiñ zañnamasında joq osınday qwjattar arqılı oblıstardağı 500 QR Suretşiler odağınıñ müşesiniñ dauıs beru qwqığı şektelude.

Sol qwrıltay qaulısına  kirgen  jastar mäselesinde de, zañsızdıqqa jol berildi. QR Suretşiler odağınıñ mörin jalğan kuälikke soğıp, «Qazaqstannıñ Jas suretşiler odağı» bolıp tirkelmegen bwl zañsız wyımnıñ, studentterdi qabıldap   jinağan  milliondağan qarjısı buhalteriyağa tüspey, iz-tüssiz  joq boldı. Artı Almatı qalasınıñ Almalı audanınıñ İİB tergeuine deyin jetti.

Rezolyuciya qaulısındağı eñ kökeykesti mäsele – şeberhananıñ qwjattarın şeşu bolğan. Almatıdağı Sätbaev köşesindegi №29 «g» üyde ornalasqan "Öner" kombinatınıñ ornına "AYNER" JŞS şeberhana salatın bolıp kelisilgen. Sol qwrılıs kompaniyası salğan Mwqanov pen Qabanbay batır köşeleriniñ qiılısındağı (229/147) on qabattı twrğın üydiñ on bir jıldan beri eşqanday qwjatı joq,  ne qalanıñ balansında da joq.  Onıñ üş qabatı, yağni 72 şeberhana Odaqqa tiesili. Osı tüyindi mäsele şeşimin tappay otır. 2013 jılğı 26 qazanda  ötken Suretşiler Odağınıñ kezekti XVII qwrıltayında qwjattardı retteuge mindetteme alğanımen, Odaq basqarmasınıñ nemqwraydılığınan jwmıs rettelmedi. Qısta şeberhananı jılıtuğa aqşa jinalğanımen, biraq jılu berilgen joq. Al ol aqşanıñ esebi turalı Odaqtıñ tekseru komissiyası, basqarması jäne hatşılığı suretşilerge eşqanday esep bermedi.

Osı qaulı mindettemeleriniñ işinde Almatı qalasınıñ Rıskwlov - 48 "A" jäne Qojamqwlov - 204 köşelerindegi şeberhanalardıñ qwjattarı rettelgen joq.

Qwrıltay qaulısında arnayı qor aşu kerek degen şeşim qabıldağanımen, bwl qor da aşılğan joq.

Odan basqa orındalmağan qwrıltay qaulıların atap ötsek:

- Suretşilerdiñ tolıq anıqtaması şığarılıp, jariyalanbadı;

- Tapsırıs izdeytin agenttik aşılmadı;

- Suretşiler Odağınıñ XVI  qwrıltayınıñ qaulısında aytılğanday, Almatı qalasınıñ Qabanbay batır (229/147)  köşesindegi şeberhanalardı jekeşelendiru 2014 jılğı 1-şi qañtarğa deyin ayaqtalu kerek edi, bwl orındalmadı;

- 2013 jılğı XVII qwrıltayda Basqarmağa 22  adam saylanğan. Al oblıstıq filialdar avtomattı türde tirkelgen. Qwrıltaydan keyin Odaqtıñ bwrınğı törağası B.Ömirbekov sırttan öz jaqtastarınan 11 adamdı zañsız tizimge engizip, Basqarma müşeleriniñ  sanın 33-ke jetkizdi. Oblıs filialdarımen qosqanda jalpı sanı 49 adamğa jetti. Al qazir Odaqtıñ hatşılıq qwramındağı  11 adamnıñ  7-i qwrıltayda saylanbağan. Qwrıltaydan keyin osınday zañsızdıqtarğa jol berilip, mümkindikterin öz paydasına asıruda.

Odaqtıñ Panfilova- 92 köşesindegi  eki qabattı  galereyası 2009 jılğa deyin jalğa berilip, odan keyingi tarihınıñ satılğanın, ne satılmağanın eşkim bilmeydi. Bwl mäseleni Odaq basşılığı qwpiya wstap keledi.

Keñes zamanında Odaqtıñ müşeliginen eşbir suretşi şığarılmasa, bwl künde soñğı bes jılda üş «Qazaqstannıñ eñbegi siñirgen qayratkeri», bir «QR Mädeniet qayratkeri» – odaq qwramınan şığarılğan. Narazılıq tanıtqandarğa qasaqana jalğan kompromattar wyımdastırılıp, odaqtıñ qwramınan dereu şığarıp, oylarına kelgenderin isteude. Birde bir jinalısqa BAQ ökilderiniñ şaqırıluın qwptamay keledi. Basqaruğa qabiletsiz Odaqtıñ basqarma törağası men hatşılıq 2013 jılğı XVII- qwrıltayda  qabıldanğan  rezolyuciyasınıñ qaulıların orınday almadı.

Özderiniñ müddelerin qorğap jantalasqan  Odaq basşılığın ruhaniyat mäselesi eş qızıqtırmaydı. E.Mergenovtiñ, B.Ömirbekovtiñ, Ö.Jwbaniyazovtıñ basqaru kezderinde Suretşiler odağınıñ qoğamdağı röli joğalıp, jeke müddelik deñgeyge ötip ketti.

Joğarıdağılardı eskere kelip, biz Sizderdiñ nazarlarıñızdı, şağın toptıñ osı zañsız äreketterin toqtatıp, keltirilgen derekterge baylanıstı bar qwpiya qwjattardı anıqtauğa, azamattıq zañnama negizinde rettep, tiisti şaralar jasap aralasularıñızdı swraymız.

Qwrmetpen,

Belsendi top atınan:

  1. Beristenov J.T.professor, f.ğ.k. QR Mädeniet qayratkeri.
  2. Abdraman J.A. QR Suretşiler odağınıñ müşesi.
  3. Kulbay I. QR Suretşiler odağınıñ müşesi.
  4. Qwmarov A.M. QR Mädeniet qayratkeri.
  5. Dosmagambetova K.Z. docent.Qazaq körkemsuret akademiyasınıñ akademigi.
  6. Mırzahmetov J. QR Suretşiler odağınıñ müşesi.
  7. Şalbaev A. QR Suretşiler odağınıñ müşesi.

Abai.kz

4 pikir