Beysenbi, 26 Säuir 2018
Jañalıqtar 1037 0 pikir 16 Säuir, 2018 sağat 10:59

Özbekstanda Almatı oblısınıñ künderi ötti

Almatı oblısınıñ äkimi Amandıq Batalov bastağan aymaqtıñ basşıları, biznes-qauımdastıqtardıñ ökilderi Taşkentke resmi saparmen bardı dep, habarlaydı menşikti tilşimiz.

Delegaciya aldımen Töle bi kesenesinde bolıp, osıdan keyin Amandıq Batalov «Taşkent traktor zauıtı» Aşıq Akcionerlik Qoğamında «Uzagrotehmaş» holdingilik kompaniyası şığarğan auılşaruaşılıq tehnikalarımen tanıstı.  Almatı oblısınıñ agrarlıq bağıtın eskere otırıp, özbek käsipkerleri auılşaruaşılığında paydalanuğa bolatın traktor maşinalarınıñ barlıq türlerin körsetti. Özbekstannıñ vice-prem'eri Nadır Atajanov  pen «Uzagrotehmaş» ŞK basqarmasınıñ törağası Mwrat Kärimovpen bolğan ekijaqtı kezdesu barısında oblıs äkimi Jetisu aymağındağı astıq jinau jelisin aşu jönindegi pikirimen bölisti. «Qazaqstan – Euraziya ekonomikalıq odağınıñ müşesi, sonımen qatar, bizdiñ öñirimiz  Qıtay Halıq Respublikasınıñ narığına kiretin ülken qaqpanıñ biri. Biz, sizderdi barlıq qajetti infraqwrılımmen qamtılğan

«Taldıqorğan» industrialdı aymağında qwrastıru cehın aşuğa şaqıramız. Eskere ketetin jağdaydıñ biri TMD arasında qwrğaq port tek bizdiñ öñirde ornalasqan, bwl sizderdiñ önimderiñizdi şet memleketterge qısqa uaqıt merziminde jetkiziluine öz septigin tigizedi», - dedi Amandıq Batalov. Osı orayda, Özbekstan vice-prem'eri Nadır Atajanov oblıs äkiminiñ aytqan wsınısına qızığuşılıq tanıta otırıp, birlese jwmıs isteuge ıntalı ekendigin bildirdi.

«Bizdiñ Qazaqstanmen birigip jüzege asırğımız keletin birqatar jobalarımız bar jäne Almatı oblısınıñ basşılığınan alınğan naqtı wsınıstar, olardı iske asıruğa negiz boladı. Mısalı, zauıt ötken jılı 1,5 mıñ tehnika birligin öndirse, biıl bwl körsetkiş 6 mıñğa jetti. Bwl sırtqı narıqqa şığudıñ da qajettigin körsetip otır. Ol üşin bizdiñ elden arnayı ökilder jaqın arada Almatı oblısına barıp, narıq mümkindikterin bağalap körmek», - dedi vice-prem'er.

İskerlik qauımdastıq eki el arasındağı investiciyalıq äleuetti talqılaumen jalğastı.

«2018 jıldı eki eldiñ  basşıları «Özbekstannıñ Qazaqstandağı   jılı» dep jariyaladı, bwl eki wlt arasındağı ıntımaqtastıqtı joğarı deñgeyge köteruge jäne jaña kökjiekterin aşuğa öz septigin tigizedi. Almatı oblısı - Qazaqstan Respublikasınıñ tabiği resurstarğa bay, äri investiciya salasına klimatı qolaylı aymaqtıñ biri. Osı kezdesu arqılı eki jaq   tuısqandıq äri bauırlastıq qarım-qatınastı ornata otırıp, käsipkerler özara tiimdi seriktestik qatınastarın damıtudıñ jaña bağıttarın aşadı degen ümitte.

2017 jılı  Almatı oblısı Özbekstanmen sırtqı tauar aynalısında 36 mln. AQŞ dolların qwrağanın atap ötu kerek. Almatı oblısınan   Özbekstan memleketine   eksport 15,8 mln., al import - 20,2 mln. AQŞ dolların qwrağan.

Özbekstannan biz mineraldı tıñaytqıştar, avtomobil'der, jemister men kökönisterdi jäne basqa da auılşaruaşılığı önimderin alamız. Memleketter arasındağı bauırlastıq, körşilik qarım-qatınastardıñ jarqın mısaldarı ekonomika, ğılım men mädeniet salalarında da bar. Bügingi kezdesu Almatı oblısı men Özbekstan Respublikasınıñ köpqırlı baylanıstarın odan äri nığaytıp, keñeytedi degen senimdemin»,- dedi oblıs äkimi.

900 orınğa arnalğan «Türkistan» koncert zalında jetisulıq önerpazdar arnayı koncerttik bağdarlama wsındı.

Sonımen qatar twrğındarğa Almatı oblısınıñ turistik äleueti  tanıtatın körme men qolönerşilerdiñ bwyımdarı, qılqalam şeberleriniñ tuındıları wsınıldı.

Koncert soñında söz alğan Özbekstannıñ Mädeniet ministriniñ birinşi orınbasarı Ozodbek Nazarbekov Jetisu önerpazdardıñ joğarı käsibi deñgeyligi men öñirdiñ ruhani baylığın körermenge erekşe şeberlikpen paş etkenderin jetkizdi.

Ayta keteyik, Almatı oblısınıñ delegaciyası öz saparların säuirdiñ 15-ne deyin jalğastırmaq. Oblıs ökilderi Özbekstannıñ birqatar qalaların aralay otırıp, Almatı oblısınıñ investiciyalıq mümkindikterin keñinen tanıstıradı.

Rüstem Qanapiyanov

Abai.kz

0 pikir