Beysenbi, 26 Säuir 2018
Dep jatır 2233 5 pikir 16 Säuir, 2018 sağat 12:58

Däuren Babamwrat. Bryussel'degi jiınğa nege qatıstım?

Aldıñğı aptada Bryussel'de ötken kezdesuler, qazaq qoğamı üşin ülken jañalıq boldı. Äldekimder «oppoziciyalıq» degen teñeu tañıp ülgergen bwl basqosu, köpşilik üşin «kütpegen», «oylamağan» nemese tipti «mänsiz-maqsatsız» bolıp köringen... Men sol jiınğa nege qatıstım?..

Alıstan wran şaqırılıp, atoylağan dauıs estilse, delebemiz qozatın qazaqpız, özim qwrmetteytin eldiñ ağaları at erttep, «köşke er» degende, otıra almadım. Bryussel'den biraq şıqtım. Täp-täuir jiın (forum) boldı. Bas jarılıp, köz şıqqan joq. Bryussel'diñ törinde, Eurooparlamenttiñ işindegi san kezdesulerde de, eldiñ ağaları qazaqtıñ atın da, zatın da öz deñgeyinde wstap, teñbe-teñ kezdesuler wyımdastırdı.

Meniñ tüsinigimde kez-kelgen äreket, şarasızdıqtan, ne bolmasa qol qusırıp bos otırğannan mıñ ese paydalı. Al sayasat - ol maqsatqa jwmıs isteu, onıñ jolında Ahañ aytpaqşı (Ahmet Baytwrsınov) qızılmen de, aqpen de, bir üsteldiñ basına otırıp, wlttıq müdde jarasqanşa bir boluğa barmın. Öz äreketterimdi şektemeymin, eşkimdi maqtauğa da, dattauğa da uädeleskenim joq. Biriniñ aldında kiriptar, ekinşiniñ aldında wyattı bolatın eş jağdayım joq. Sol sebepti Habardağı «Sana» degen avtorlıq bağdarlamamnan «Ruhani jañğırudı» qalay däriptesem, «Jaña Qazaqstannıñ» qwramında da sondaylıq därejede qızmet etip, ötkinşi biliktiñ kem-ketikterin betine basıp, Ämirjan, Dos, Ermwrat ağalarım bastağan iske qolqabıs etpekpin.

«Liberal emessiñ, Bryussel'ge baratınday qanday qwqıñ bar?!...» deytinderge jauabım mınau... Özimdi o basta «wltşıl» dep bekitkenmin. Sözsiz qazaqtıñ wltşıldığı şovinizmnen göri otanşıldıqqa jaqın. Bizdiñ wltşıldıq bireudi kemsitu emes, qazaqtı köteru. Jäne osı atağımdı eşqanday «liberal» degen «madaqqa» ayırbastamasım anıq. Däl sol uaqıtta jalpı demokratiyalıq qwndılıqtar, söz ben oy bostandığı, adam qwqı jäne zañ birinşiligi - men üşin talqılanbaytın ereje. Atalmış jiınğa qazaq qoğamınıñ barlıq segmentterinen ökilder jinaldı. Sonıñ işinde mende barmın. Demek, Europağa barğam, bardım jäne Alla Tağala amandıq berse äli talay baramın. Meniñ dästürli, wlttıq qwndılıqtardı däripteuim oğan eş kedergi keltirmeydi.

Kelesi qoyılar saual mınau. "Nege Bryussel'?..." Sebebi elge kele almaytın, biraq el müddesi üşin alıp-qosar oyı bar, sırttağı azamattardıñ qatısuı mañızdı boldı. Onıñ üstine euroükimettiñ de bizge qatıstı oy-pikiri qajet edi. Däl osı jiın Qazaqstanda ötse, köp jinalıstıñ biri ğana bolıp qalar edi. Däl osınday rezonans tumas edi.

Bwdan ne şıqtı, ne boladı?... Forumğa qatısqan adamdardıñ barlığın el biledi, sıylaydı, qwrmetteydi. Bir jiınnan olardıñ közqarası 180 gradusqa aunap tüspesi anıq. Bwl sayasi process. El damuına qatıstı oy qosu, pikir almasu, naqtı is-äreketter qimılın boljau, josparlau kerek. Biri orındalar, biri orındalmas. Arı qaray ne boların äli wyımdastıruşılardıñ özi de bilmeydi, biraq niet tüzu. Sol sebepti «Äreket ettiñder» dep jazğıru dwrıs emes. Ne bolmasa, bitken iske sınşı bop, «al endi?...al endi?...» dey berudiñ de qajeti şamalı. Bärine uaqıt töreşi.

Bastısı qoğamğa da, bilikke de oy tastaldı. Äsirese bilik, kelesi qadamdarın qoğammen barınşa sanasıp jasaydı bilem. Alaş azamattarı qajet bolsa, kez-kelgen uaqıtta osılay jinala alatının, birlesip eldiñ bolaşağı üşin kimmen bolsa da, qay jerde bolsa wyımdasa alatının körsetti. Bwnıñ özi, tüsingen «bilikke» ülken qoñırau.

Osı orayda jastarğa bir oy ayta keteyin. Aşıqtıq pen ädildik, wlttıq müdde men sanalı qoğam turasında qanday jiın bolmasın, jastar erkin qatısuğa qwqılı. Erteñgi eldiñ twtqasın wstaytın alıptar, osınday jiındardan qaynap şığadı. Sondıqtan aldağı jiındarğa da jastardıñ qatısuın qwptaymın, şaqıramın.

Abai.kz

5 pikir