Düysenbi, 21 Mamır 2018
391 1 pikir 16 Mamır, 2018 sağat 10:08

Şımkentte terrorizm ayıbımen oquşı sottaldı

Mamırdıñ 15-i küni Oñtüstik Qazaqstan oblıstıq kämeletke tolmağandardıñ isteri jönindegi mamandandırılğan audanaralıq sotı Sayram audanı, Qarabwlaq auılınıñ №10 mektep oquşısı Şahzat Ismailovtı "terrorizmdi nasihattau" jäne "dini alauızdıq qozdıru" baptarı boyınşa kinäli dep tauıp, tört jıl merzimge bas bostandığınan ayırdı.

Bwl turalı Azattıqqa mamırdıñ 15-i küni OQO kämeletke tolmağandardıñ isteri jönindegi mamandandırılğan audanaralıq sotınıñ törağası Qayrat Qoñırbaev habarladı.

Onıñ mälimetinşe, ayıptaluşı sot zalınan qamauğa alınğan. Jazanı qılmıstıq-atqaru jüyesiniñ ortaşa qauipsizdik mekemesinde öteydi. Advokatı Nwrlan Qangeldievtiñ aytuınşa, ayıptaluşınıñ tuıstarı sot ükimine kelispey, apellyaciyalıq sot alqasına şağım tüsireyin dep otır.

017 jılı 16 qaraşada Wlttıq qauipsizdik komitetiniñ Oñtüstik Qazaqstan oblısındağı departamenti men işki ister organdarı birlesip, Sayram audanınıñ on bir twrğının wstağan.

Olarğa QR Qılmıstıq kodeksiniñ 256-babınıñ 2-böligi ("Terrorizmdi nasihattau nemese terrorizm aktisin jasauğa jariya türde şaqıru") jäne 174-baptıñ 1-böligi ("Äleumettik, wlttıq, rulıq, näsildik, tektik-toptıq nemese dini alauızdıqtı qozdıru") boyınşa ayıptar tağılğan edi.

Abai.kz

1 pikir