Beysenbi, 24 Mamır 2018
Anıq 595 0 pikir 16 Mamır, 2018 sağat 11:32

Dosqaliev mäyit donorlığına tüsinistikpen qaraudı swrap, ündeu jasadı

Transplantaciya boyınşa Respublikalıq koordinaciyalıq ortalıqtıñ jetekşisi, bwrınğı densaulıq saqtau ministri Jaqsılıq Dosqaliev qazaqstandıqtarğa mäyit donorlığına tüsinistikpen qaraudı swrap, ündeu jasadı, - dep habarlaydı Abay-aqparat kaz.tengrinews.kz portalına silteme jasap. 

Onıñ sözine sensek, o dünielik bolğan kisi keminde bes adamnıñ ömirin jalğauğa sebepşi bola aladı eken.

"Qazaqstandıqtarğa, otandastarıma aytqım keledi, adamnıñ miı ölgen sätte nemese onıñ ölip bara jatqanında oğan işki müşeleri o düniede kerek emes, denesi osında qalıp, kömiledi. Biraq marqwm keminde bes adamnıñ ömirin jalğay aladı, büyrek, bauır, asqazan astı bezi (wyqı bezi), ökpe, jürek siyaqtı jwptı müşeler arqılı. Qazaqstandıqtarğa adam miı ölgen sätte därigerler kelip, basqa adamdarğa kömek qajet degen sätte oğan salmaqtı qarauın swrağım keledi. Qazaqstandıqtar meni dwrıs tüsinse eken, müşe auıstıruğa mwqtaj adamdardıñ ömirin saqtap qaluğa tırıssa", - deydi ol.

Qazirgi tañda Qazaqstanda 2 523 adam donorlıq büyrekke zäru (olardıñ işinde 51 bala), 532 adamğa bauır qajet (onıñ işinde 9 bala), 130 adam donorlıq jürek kütip otır (onıñ işinde 16 bala) jäne 11 adam donorlıq ökpege zäru.

"Men işki müşelerin alıp özge adamğa saluğa rwqsat bergenderdiñ ata-ana, ağa-bauır men äpke-qarındastarınıñ aldında basımdı iemin", - deydi Jaqsılıq Dosqaliev.

Abai.kz

0 pikir