Beysenbi, 24 Mamır 2018
457 1 pikir 16 Mamır, 2018 sağat 13:34

Senat Törağası Qasım-Jomart Toqaev QHR Elşisin qabıldadı

Parlament Senatınıñ Törağası Qasım-Jomart Toqaev Qazaqstandağı diplomatiyalıq missiyasınıñ ayaqtaluına baylanıstı QHR Elşisi Çjan Han'hueydi qabıldadı.

Q.Toqaev Qazaqstan men QHR arasındağı strategiyalıq äriptestikti nığaytudağı memleket basşıları Nwrswltan Nazarbaev pen Si Czin'pinniñ mañızdı rölin atap ötti.

Q.Toqaev keyingi jıldarı nätijeli äri qarqındı sipatqa ie bolğan parlamentaralıq baylanıstardı ekijaqtı qatınastardıñ mañızdı qwramı retinde atadı. Parlament joğarğı Palatasınıñ basşısı ünqatısudıñ jalğasatınına senim bildirdi jäne Halıq Ökilderiniñ Bükilqıtay Jinalısı Twraqtı komitetiniñ Törağası Li Çjan'şudı bizdiñ elimizge saparmen keluge şaqırdı.

Senat Törağası sauda-ekonomikalıq baylanıstardı odan äri nığaytudıñ jäne önerkäsip, aqparat tehnologiyaları, qwrılıs salalarındağı birlesken jobalardı iske asırudıñ keleşegin joğarı bağaladı. Wlttıq «Nwrlı jol» jäne qıtaydıñ «Jibek jolı ekonomikalıq beldeui» bastamasınıñ üylesim tabuı ayasında eki eldiñ kölik-tranzit äleuetin paydalanu auqımdı mümkindikter tuğızadı.

Q.Toqaevtıñ pikirinşe, eki el basşılarınıñ biılğı mausımda ŞIW ayasındağı Cindaoda bolatın kelissözderiniñ mañızı zor boladı.

Mwrat Rahımjanov

Abai.kz

1 pikir