Жексенбі, 22 Қазан 2017
Дабыл 6465 13 пікір 8 Қазан, 2017 сағат 18:00

Торғай даласынан Ресейдің зымыран қалдықтарын құлатуға жер берілетін болды

 

Қостанай облысы, Жанкелдин ауданы аумағынан зымыран қалдықтарын құлату үшін 76 мың гектар жер 3 жылға берілетін болып шешілді деп хабарлайды «Қостанай таңы» газетінің тілшісі.

«Бүгін Қорғаныс және аэроғарыш өнеркәсібі министрі Бейбіт Атамқұлов, Қостанай облысының әкімі Архимед Мұхамбетов және ғарышкер Айдын Айымбетовтің қатысуымен мәжіліс басталғанын айтқан болатынбыз… Жиын қорытындысы бойынша, ауданға қарасты Шөптікөл мекенінен Ресейдің зымыран қалдықтарын құлатуға жер берілетін болды. Басшылықтың айтуынша, қалдықтар белгіленген жылдар ішінде 8 рет құлайды. Сондай-ақ, аудан бюджетіне жыл сайын 151 млн теңге қаржы аударылып отырмақшы. Ал іргесіне қалдық тасталатын Ақкөл мен Қарасу ауылдарына жедел жәрдем көліктері бөлініп, ауызсу тартылады. Таяу келешекте сол жердегі көпірді жөндеуге де уәде беріліп отыр…» дейді газет тілшісі.

Шағын ақпараттан көріп отырсыздар, зымыран қалдықтары өте зиянды болса керек. Ақпараттағы мына жолдарға назар аударайық: «...іргесіне қалдық тасталатын Ақкөл мен Қарасу ауылдарына жедел жәрдем көліктері бөлініп, ауызсу тартылады». Демек, аталған ауылдарда ауру-сырқау көбейіп, ел ішін төтенше дерт жайлауы мүмкін. Ауыл тұрғындары кенеттен ұшып түсуі ықтимал. Сол кезде оларға жедел жәрдем көліктері жіберіледі. Осы жайтке ашынып әріптесіміз Абылай Мауданов бізге төмендегі жазбасын жіберді.

Көкірек удай ашыған күн болды. Ақыры, үкімді естіп тындық. Торғайдың 76 мың гектар жері зымыран қалдықтарын құлату үшін Ресейге беріліпті. Осылай боларын, бәрінің «жоғары жақтан шешіліп» қойғанын іш сезген еді. Түйсік алдамапты.

Басы-қасында болған жоқпыз, бірақ, куәгерлер арқылы естіп жатырмыз. Сол елдегі «бас көтерер» ақсақалдарды «келістіріп» тыныпты. Асарын асады, жасарын жасады дегенмен, олардың да бала-шағасы бар, «жанды жерін» тапқан да. Ватсаптағы топтар әлгі ақсақалдардың  иттерісін басына қаптап жатыр.

Олардың орнында болсақ, біз қайтер едік, бекерге жергілікті халықты кіналамайық. Төбесінен алтын құйса да, ешкім у жұтуға келіспесі хақ.  Амалсыз көнді, дұрысы «көндірді» деп білем. Өре түрегелуге Торғайдың текті халқы аңсап келген азаттықтың жағасына жармаспайық деген болар. Амангелді, Кейкілердің ұрпағы бұғып қалды деп тасада отырып тас лақтырмайық. Айтудан мүйіз шықса, оған дейін де, Кейкінің айтысында да Айбек ақын естір құлаққа жетердей қылып айтты. Бірақ, біз үміт күткен құлақ бітеу екен. «Тобыл-Торғай» сайты елден бұрын дабыл қақты. Халықтың үнін жеткізді дер кезінде. Үн қосқандар, құлақ асқандар аз болды әттең.

Енді қайтпек керек? Итке сүйек тастағандай 152 млн теңге беріледі депті. Әлеуметтік жағдайын дұрыстаймыз деп уәде етіпті. Енді осы уәделердің дұрыс орындалуын қадағалау бәріміздің міндетіміз. Қарғанғаннан, ойбайлағаннан ештеңе өнбейді. Жау кеткесін қылышты қидалағаннан ештеңе өзгермейді.

Зымыран қалдықтары шыныменен залалсыз ба? Шынымен де үш жылдан кейін қалдық тастауын доғара ма? Халықтың денсаулығын тұрақты тексеріп тұра ма? Топыраққа, ауаға, қоршаған ортаға, жан-жануарлар әлеміне шынымен зиян келмей ме? Осының бәрі жіті назарда болу керек.

Бекем болайық бауырлар, бекер шуылдамайық, десек те, Торғайға төнген қатерді бір сәттік «дем шығарумен» ұмыт қалдыруға болмайды! Өндіріс жетпегендіктен табиғаты таза сақталған өлке еді Торғай, ол да көзімізге көп көрінген екен...

2015 жылы көктем жаз айларында Қостанай мен Торғай далаларында киіктер қырылған еді...

Абылай Мауданов

Abai.kz

 

13 пікір
Жаке 2017-10-11 08:40:10
Халықтың жағдайын ойламаған - нағыз террорист...
Ахметқызы 2017-10-10 08:33:19
Бұлай болмайды, ағалар! Көнбіс халық біз емес! Уят қайда? "Болашақ - жастардың қолында" деп қалай шімірікпей айтады осы дөкейлер. Біздің қолымызда уланған һәм бұлыңғыр болашақ!
Б.Шаяхметұлы 2017-10-09 15:50:10
Сонда бұл қалай? НЕГЕ? Менің мына қауақ басым ештеңені де түсінер емес... Біз өзі қандай ЕЛДЕ тіршілік етіп жатырмыз а? ЕГЕМЕНДІК дегеніміз сонда бар болғаны ЕЛЕС ПЕ? Кім көрінген билік жүргізіп, білгенін істеп жатыр... Мемлекеттің жерін өз әкесінен мұраға қалғандай шет елдерге үлестіріп береді, қоқыс жәшігі сияқты...олар онда өмір сүруге , денсаулыққа АСА ҚАУІПТІ қалдықтарын тастайды! Олардың "боқ сідіктерін" лақтыратын жерге деп ҚАЗАҚТЫҢ 72 мың(!!!) га жерін , бомбалауға деп(әскери полигон) тағы да жүздеген га жерді , АТОМ қалдықтарын сақтауға деп тағы да қыруар жерді(қанша га екенін бір құдай білсін) , космосты игеруге деп мыңдаған жерді қаласымен қосып бере салады! "Біздің ауданға 152 млн ТЕҢГЕ(!) бөлетін болды..."- деп күпінеді тағы да!!! Мына әкімдер ҚАЙ ЖЕРЛЕРІМЕН ойлайды өзі? Мыналар нағыз ХАЛЫҚТЫҢ ЖАУЛАРЫ ғой?!!! Көздерін құрту керек қой мынадай басшылардың, ана келісімпаз , жағымпаз АҚСАҚАЛДАРЫМЕН қоса?!!! Өй, ағатайлар-ау , ресейліктер өз жерлеріне құлатсын , құлататын зымыран қалдықтарын , неге біздің төбемізге қоқыс тастаулары керек олар а? Не деген намыссыз , не деген топас басшылар бұлар а? Тиісті органдардан талап етеміз , кім жауап береді осыған?!!!
Кенен 2017-10-09 10:11:07
Ахмет Байтұрсыновтың Ақкөліндегі халыққа зорлық қылып, "көшіңдер" деп жатқан көрінеді. Ешқандай компенсация да қарастырылмаған...
Ақтау 2017-10-09 08:49:36
Бұлары қалай? Осыдан екі-үш жыл бұрын қалдықтар Маңғыстауға да құлаған. Қазақ даласының бәріне зымыран қалдықтарын төгу көзделген бе? Олардың өз елінде де қаншама бос жерлер бар?
Алтай 2017-10-08 21:52:21
Сорлы казак, конбис казак... Бауыздалар алдында бир манырап калугада шамасы келмеди-ау.
Ерсін 2017-10-08 21:14:02
Біздің ел сорлы екен ел аман жұрт тынышта жерін басқа елге бомбалатып қойған.
Асеке 2017-10-08 20:21:14
Оңбағандар ай, қанды ішіп бітті ау. Бұл бассыздық қашан бітер екен?
жəй Қазақ 2017-10-08 20:14:07
Ата-Баба аруағы алдында ұят болды. Бұға берсең, тыға береді. Жүз күн өгіз болғанша, бір күн бұқа бол. Жарбаңдағынды Орыс ешқашан ұқпайды, ол Ата жауың. Өліспей беріс пе, балақтағы бит басқа шықпасын.
Ержан 2017-10-08 19:51:56
Аудан бюджетине 151 млн тенге аударып туратын болыпты. Кай тарап Казакстан ба, Ресей ме?
Ержан 2017-10-08 19:51:50
Аудан бюджетине 151 млн тенге аударып туратын болыпты. Кай тарап Казакстан ба, Ресей ме?
Қаншаға сатыпты? 2017-10-08 19:09:49
Ресей жағы ол үшін қанша ақша төлейтін болыпты ? Тоналған, ұрланған елдегі бюджеттің жыртығын бұлай ешкім жаба алмайды ғой.
Ореке 2017-10-08 18:43:02
Ал іргесіне қалдық тасталатын Ақкөл мен Қарасу ауылдарына жедел жәрдем көліктері бөлініп, ауызсу тартылады. .............................................. Ауылдың іргесіне әкеліп зымыранның қалдықтарын көмегені несі? Мынау айдың күннің аманында елді улап өлтіру ғой, ағайындар-ау!

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 7955
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 15308