Жексенбі, 22 Қазан 2017
46 - сөз 1157 6 пікір 10 Қазан, 2017 сағат 07:19

Алдымен өзімізді жөндейік!

"Өзіңе сен,өзіңді алып шығар, еңбегің мен ақылың екі жақтап".

(Абай).

Біз "өз ағам" деп біреуге іні болғышпыз, "бір туған бауырым" деп аға болғымыз да келеді. Алдымен, өзімізбен өзге жұрт санасатындай ел болып алайық та! Өндірісімізді өркендетейік. Оны айтсаң мамытовтар "текстиль мен жеңіл өнеркәсіп қырғыз экспортының 11 %-ын ғана құрайды" дейді. Ал, біздің экспорт құрамындағы текстиль 0,3 % екенін, "жеңіл өнеркәсіп" деген сөздің жоқ екенін айтпайды. Оның өзі жоқ болған соң аты қайдан болсын! Қазақ нарығын қырғыз киімі жаулап алғанын (түрік пен қытайға қоса) көргісі келмейді. "НамыстаН ӨЛМЕЙ өзбектің машинасын мінеміз" десең, "машина мен оборудование өзбек экспортының небәрі 5,5 % құрайды" деп жауап береді. "Жылауықтар" деп ат қойып алған бізге өзінше. Ал, пенсия жайлы Атамбаевтың сөзіне жауап бермейді. "Өзбек машинасы" деген ұғым бар, қазақ машинасы деген ұғым жоқ... Агроэнеркәсіптің өнімі 2015 ж экспортымызың 4,5%-ын ғана құрады. "Экономиканы әртараптандыруымыз қажет" деген (диверсификация) сөзді ауызға да алмайтын болдық, соған қарағанда қолды бір-ақ сілтеген болсақ керек... Айналайын билік-ау, білімге, техникаға, өндіріске ұмтылу керек қой. Қашанғы мұнайдың көбігіне, мәз болып жүре береміз?..

Өмірзақ Ақжігіт

FB парақшасынан алынды

6 пікір
Руза 2017-10-12 15:12:34
Алып қосары жоқ!
Ой 2017-10-11 10:16:07
Экономика аса ауыр да қүрделі сала. Шындығы бар, білместіктен (рас, кейде біліп те тұрып) кететін "жаңсақтығы" бар сала. Осыны пайымдасақ, отыра қалып өзімізді өзгемен салыстыра кету тиянақты нәтиже бермейді... Қазақ елінің даму қуаты басқаға қарағанда екпінді де ширақ екендігі даусыз! Оны біреудің шамына тиетін дәрежеде дәріптеудің де реті жоқ... "Итің жаман десе иесіне тиеді" дейтін мәтелдің мәнін ұмытпауымыз керек, ағайын!!!
Бәкен 2017-10-10 17:53:11
Атамбаев өте дұрыс , тек шындықты айтқан! Оның неменесіне тулайды біздің "атқа мінерлер"?! Расында да , ешкім өйтіп сынамасын десе өнеркәсіпті , ауылшаруашылықты , білім мен денсаулық салаларын түзесін! Бәрін өздерінің қара бастарына ғана жаратып , тырмаштап індеріне тарта бермей! Зейнетақы қоры мен әлгі "қауіпсіздік" қоры дегенді де талан-таражға салып , үлестіріп құртатын болды , өтірік пе?! Билік басындағы ат төбеліндей, аздаған топтың мүддесі үшін , солардың үрім-бұтақтарының баюына ғана жұмыс жасалып жатыр бізде! Өтірік пе?! НӘН-нің өзі алдымен халықаралық нормаларға қайшы әрекеттерге барып , ондағы билікке үміткерлермен жасырын келісім жүргізген , Қырғызстан жөнінде , ондағы жан басына шаққандағы ЖӨ туралы ақпаратты өз мүддесіне , мақтану үшін мысалға келтіріп, кемсіткен! Өтірік пе?! "Қырғызстанға жас президент керек" - деп "ақыл айту" қай нормаға сай келеді екен а? Өз жөнімізді жөндеп алмаймыз ба, алдымен?
$ 2017-10-10 15:21:02
Біздің қазақ қалаларында өте күшті фабрикалар заводтар болды.өзім тұратын жезқалада тігін фабр-сы бүкіл одақты киіндірген -киімдерін Бакуге барғанда 1989жылы жəне Алматыда дүкендер сөресінде көп жатпай өтіп кететін көргенбіз біздің қаланың фабрикасы тікті деп желпініп қалғанбыз.(қазір ол фабриканың қаңқасы тұр)ал Алматыда өте күшті аяқ киім бас киім жəне неше тұрлі фабр-лар болды,бəрін тып-типыл қылды,ойланбай істеген прихватиз-я болды,бұл тіпті қылмыс еді,бүтіндей республикадағы өндірістерді жабу.аяқ астынан бəрін жоқ қылып қазақ неге жалқау деп шыға келді.бірнəрсе тігіп сатайын.десе заңсыз деді былай барса заңсыз деді.
Фазылбек Усентаев 2017-10-10 10:20:47
"Ал, пенсия жайлы Атамбаевтың сөзіне жауап бермейді." Өмеке! Abai.kz бүгінгі сайтында, Атамбаев сөзі жарияланғаннан бері қанша жауап берілді!!!
Есенгелді 2017-10-10 09:22:30
Міне, Өмірұзақ дұрыс жазған!!!!! Шындықты мойындау керек. Қазіргі кездері бар шындықты ашық айтудан қорқатын адамдар көбейді. Экономикадағы тұралаулар мен коррупцияны біле тұра "білмейтіндер" көбейді. Бұл түптің-түбінде жақсылыққа апармайды.

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 7954
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 15306