بەيسەنبى, 18 قاڭتار 2018
361 0 پىكىر 11 قاڭتار, 2018 ساعات 09:32

ماسكەۋدە ءپۋتيننىڭ سايلاۋالدى شتابى اشىلدى

رەسەي پرەزيدەنتتىگىنە ءتورتىنشى مارتە تۇسەتىن ۆلاديمير ءپۋتيننىڭ سايلاۋالدى شتابى ماسكەۋدە اشىلدى.

شتابتىڭ تەڭ توراعالارى بولىپ "سيريۋس" بالالار ورتالىعىنىڭ جەتەكشىسى ەلەنا شمەلەۆا، "كاماز" باس ديرەكتورى سەرگەي كوگوگين جانە بالالار ونكولوگياسى ورتالىعىنىڭ ديرەكتورى الەكساندر رۋميانتسەۆ تاعايىندالدى. شتاب ءباسپاسوز حاتشىسى – جۋرناليست اندرەي كوندراشوۆ. ول قىرىمدى 2014 جىلى رەسەيدىڭ اننەكسيالاۋىنا ارنالعان "كرىم. پۋت نا رودينۋ" ءفيلمىن تۇسىرگەن.

سارسەنبى كۇنى پۋتين ءوز شتابىنا بارىپ، ەرىكتىلەرمەن سويلەستى.

ۇمىتكەر پۋتينگە قول جيناۋ شتاب اشىلماستان بۇرىن باستالعان. ونى "رەسەي ەرىكتىلەرى" ۇيىمى جۇرگىزىپ جاتىر. قاڭتاردىڭ اياعىنا دەيىن 300 مىڭ قول جينالۋى ءتيىس. رەسەيدىڭ ءتۇرلى ايماقتارىنان قول جيناۋ ءتارتىبىنىڭ بۇزىلعانى تۋرالى اقپاراتتار ءتۇسىپ جاتىر.

سارسەنبى كۇنى پۋتين شتابتىڭ تەڭ توراعالارىنا قول جيناۋدى "دۇرىستاپ، زاڭ اياسىندا" جۇرگىزۋىن سۇرادى، دەپ حابارلادى "ينتەرفاكس".

Abai.kz

0 پىكىر