بەيسەنبى, 22 اقپان 2018
624 16 پىكىر 11 قاڭتار, 2018 ساعات 09:34

شىمكەنتتەگى استانا داڭعىلىنا نازارباەۆ اتىن بەرۋدى ۇسىندى

10 قاڭتاردا وڭتۇستىك قازاقستان وبلىستىق ءماسليحاتىنىڭ كەزەكتەن تىس 19-سەسسياسىندا استانا داڭعىلىنىڭ اتاۋىن نۇرسۇلتان نازارباەۆقا وزگەرتۋ تۋرالى ۇسىنىس ايتىلدى.

«نۇر وتان» پارتياسى شىمكەنت قالالىق فيليالىنىڭ توراعاسى، وبلىستىق ءماسليحاتتىڭ دەپۋتاتى ومىرزاق مەلدەحانوۆتىڭ ازاتتىققا ايتۋىنشا، قالاداعى استانا داڭعىلىنىڭ اتاۋىن پرەزيدەنت نۇرسۇلتان نازارباەۆتىڭ اتىنا اۋىستىرۋدى مەملەكەتتىك قۇقىق ماسەلەلەرى، ءوزىن-ءوزى باسقارۋ جونىندەگى تۇراقتى كوميسسيا مەن جەرگىلىكتى دەپۋتاتتار ۇسىنعان. ۇسىنىستى سەسسيا وتىرىسىندا مەلدەحانوۆتىڭ ءوزى وقىپ بەردى.

كوشە اتاۋىنا نۇرسۇلتان نازارباەۆتىڭ ەسىمىن بەرۋ ۇسىنىسىن سەسسيا وتىرىسىنا قاتىسقان دەپۋتاتتاردىڭ بارلىعى ءبىر اۋىزدان قولدادى. بىراق كوشەنىڭ اتاۋى تولىق قاشان اۋىساتىنى ءالى بەلگىسىز.

2017 جىلى الماتىداعى فۋرمانوۆ كوشەسىنىڭ اتاۋى نازارباەۆ داڭعىلى بولىپ وزگەرتىلگەن.

Abai.kz

16 پىكىر