بەيسەنبى, 22 اقپان 2018
انىق 735 4 پىكىر 11 قاڭتار, 2018 ساعات 11:17

16 قاڭتاردا نازارباەۆ پەن ترامپ كەزدەسەدى

اقش پرەزيدەنتى دونالد ترامپ 16 قاڭتاردا اق ۇيدە قازاقستان پرەزيدەنتى نۇرسۇلتان نازارباەۆپەن كەزدەسەدى دەپ حابارلادى اق ءۇي.

9 قاڭتاردا اق ءۇي تاراتقان حابارلامادا «ەكى ەلدىڭ ليدەرى ايماقتىق قاۋىپسىزدىك جانە ەكونوميكالىق ىنتىماقتاستىق ماسەلەسىندە ستراتەگيالىق ارىپتەستىكتىڭ كەڭەيۋى مەن نىعايۋىن تالقىلايدى» دەلىنگەن.

بىرىككەن ۇلتتار ۇيىمىنداعى (بۇۇ) قازاقستان ەلشىسى قايرات وماروۆ 1 قاڭتاردا بۇۇ قاۋىپسىزدىك كەڭەسىندە ايسايىنعى روتاتسيالى جاڭارىپ تۇراتىن توراعالىقتى قابىلدادى. ونىڭ باقىلاۋىندا يرانداعى نارازىلىق اكتسيالارى مەن وزگە دە ماسەلەلەر ءوتتى. اق ءۇي ترامپ پەن نازارباەۆ كەزدەسۋىندە اۋعانستانداعى جاعدايدىڭ دا ءسوز بولاتىنىن ايتتى.

9 قاڭتاردا نازارباەۆ استانادا اقش-تىڭ قازاقستانداعى توتەنشە جانە وكىلەتتى ەلشىسى دجوردج كرولمەن كەزدەسكەن.

قازاقستاندا امەريكالىقتاردىڭ قاتىسۋىمەن 500 كومپانيا جۇمىس ىستەيدى. ونىڭ 140-ى بىرلەسكەن كاسىپورىن. ولار تاۋار ءوندىرىپ، ونى ەكسپورتتاۋمەن اينالىسادى.

Abai.kz

4 پىكىر