سەيسەنبى, 16 قاڭتار 2018
اپات 1015 2 پىكىر 11 قاڭتار, 2018 ساعات 22:46

تاعى دا بوران بولۋى مۇمكىن

بۇگىن الەۋمەتتىك جەلىدەن مازا كەتتى. استانا قالاسىنداعى بۇرقاسىنداعان بوران بۇكىل ەلدى ابىگەرگە سالىپ قويدى.

اقمولا وبلىسىنداعى بىرقاتار اۋداندا ساباقتار توقتاتىلعان. ءبىلىم باسقارماسىنىڭ سايتىندا ەرتەڭ دە ساباق بولماۋى مۇمكىن ەكەنى جاريالاندى. ەرتەڭ قانداي جاعداي ساباق بولمايدى؟

«ءبىلىم بەرۋ مەكەمەلەرىندە ساباق كەلەسى جاعدايدا كەيىنگە شەگەرىلەدى. اۋا تەمپەراتۋراسى 25 گرادۋستان تومەن جانە جەلدىڭ جىلدامدىعى سەكۋدىنا 2 مەتر نەمەسە ودان جوعارى بولعان جاعدايدا 1-4 سىنىپتارعا. 27 گرادۋستان تومەن جانە جەلدىڭ جىلدامدىعى سەكۋندىنا 2 مەتر نەمەسە ودان جوعارى بولعان جاعدايدا 1-9 سىنىپتارعا، 30 گرادۋستان تومەن جانە جەلدىڭ جىلدامدىعى سەكۋندىنا 2 مەتر نەمەسە ودان جوعارى بولعان جاعدايدا 1-11 (12) سىنىپتارعا، كاسىبي مەكتەپتەر (ليتسەي), كوللەدجدىڭ 1-كۋرس ستۋدەنتتەرىنە، سونداي-اق جەلدىڭ جىلدامدىعى سەكۋندىنا 2 مەتردەن اسىپ، اۋا تەمپەراتۋراسىنىڭ كورسەتكىشى 5 گرادۋستان تومەن تۇسسە كەيىنگە شەگەرىلەدى».

بوران كەزىندە 100-دەن اسا كولىك اپاتى ورىن العان. سول سەبەپتى اقمولا وبلىسىندا رەسپۋبليكالىق ماڭىزى بار  بىرقاتار جولدار جابىلدى.

 

الەۋمەتتىك جەلىلەردە «قازاقستان تەمىر جولى» ۇلتتىق كومپانياسىنىڭ باس كەڭسەسىندە تۇسىرىلگەن ۆيدەو تاراپ كەتتى. اتالعان ۆيدەونىڭ عيماراتتىڭ 28-ءشى قاباتىندا ورنالاسقان دالىزدە تۇسىرىلگەنىن بايقاۋعا بولادى. ول ءدالىز ەكى مۇنارانى قوسىپ تۇر. سول جەردە قاتتى جەلدىڭ سالدارىنان نىساننىڭ قالايشا تەڭسەلىپ تۇرعانىن انىق بايقاۋعا بولادى.

«قازاقستان تەمىر جولى» ۇلتتىق كومپانياسىنىڭ ءباسپاسوز قىزمەتىنىڭ مالىمدەۋىنشە سوندايلىق الاڭداۋعا نەگىز جوق كورىنەدى.

اتموسفەرالىق فرونتتاردىڭ وتۋىنە بايلانىستى 12 قاڭتار كۇنى قازاقستاننىڭ باسىم بولىگىنە تسيكلوننىڭ ىقپالى ساقتالادى. كەي جەرلەردە قار جاۋىپ، تۇمان، كوكتايعاق بولادى، جەلدىڭ كۇشەيۋى، بۇرقاسىن كۇتىلەدى، - دەپ حابارلادى «قازگيدرومەت».  اتاپ ايتقاندا، اقمولا، سولتۇستىك قازاقستان، پاۆلودار، قوستاناي، شىعىس قازاقستان وبلىستارىنىڭ كەي جەرلەرىندە جەل 15-20 م/س دەيىن كۇشەيەدى. تۇندە اقمولا وبلىسىندا ونىڭ ەكپىنى 25 م/س جەتەدى. جەكەلەگەن اۋماقتاردا بۇرقاسىن سوعادى، قوستاناي وبلىسىندا كەي جەرلەردە تۇمان كۇتىلەدى.  تۇندە قاراعاندى وبلىسىنىڭ باسىم بولىگىندە، كۇندىز كەي جەرلەرىندە جەلدىڭ جىلدامدىعى 15-20 م/س ارتادى، بۇرقاسىن بولجانادى.  جامبىل، وڭتۇستىك قازاقستان وبلىستارىنىڭ جەكەلەگەن جەرلەرىندە جەلدىڭ كۇشى 15-20 م/س جەتەدى، تۇمان، كوكتايعاق، بۇرقاسىن كۇتىلەدى.   الماتى، ماڭعىستاۋ وبلىستارىنىڭ كەي اۋماقتارىندا تۇمان، كوكتايعاق جانە 15-20 م/س ەكپىندەگى جەل بولجانادى.  قىزىلوردا وبلىسىنىڭ كەي جەرلەرىن تۇمان باسىپ، كوكتايعاق بولۋى ىقتيمال.

ءشارىپحان قايسار

Abai.kz

2 پىكىر