سەيسەنبى, 16 قاڭتار 2018
495 1 پىكىر 12 قاڭتار, 2018 ساعات 12:16

اۆتوكولىكتەردى اققا بوياۋ ناۋقانى تۇركىمەنستاننىڭ سولتۇستىگىندە دە باستالدى

اۆتوكولىكتەردى اق تۇسكە بوياۋ تۋرالى تالاپ تۇركىمەنستاننىڭ سولتۇستىگى - داشوعىزعا دا جەتتى.

ازاتلىك دەرەككوزىنىڭ حابارلاۋىنشا، ەكى اي بۇرىن قۇقىققورعاۋ ورگانى قىزمەتكەرلەرى قارا اۆتوكولىكتەرىن اق تۇسكە اۋىستىرا باستادى. بۇل ناۋقان باسقا دا مەملەكەتتىك مەكەمەلەرگە تارادى. جەكە كولىكتەرىن اۋىستىرۋعا مۇمكىندىگى جوقتار، ونى اق تۇسكە بوياپ جاتىر.

سوڭعى اقپاراتتارعا قاراعاندا، ەندى داشوعىزداعى بارلىق مەكەمەلەردە قىزمەتتىك اۆتوكولىكتەردىڭ اق ءتۇستى بولۋى مىندەتتەلدى.

"8 قاڭتاردا داشوعىزدا ارنايى جينالىس ءوتتى. وندا بارلىق مەكەمە باسشىلارىنان جەكە اۆتوكولىكتەرىن اقپاننىڭ ورتاسىنا دەيىن اق تۇسكە بوياۋ تالاپ ەتىلدى. جينالىستا: ء"بىزدىڭ باسشىمىز اق تۇستىك كولىك جۇرگىزەدى، اق ءتۇس - ساتتىلىك بەلگىسى" دەپ ايتىلعان".

"قازىر داشوعىزاعى اۆتوقىزمەت ورىندارىندا ۇلكەن كەزەك پايدا بولدى. بارلىعى كولىكتەرىن تەزىرەك اققا بوياپ العىسى كەلەدى", - دەدى تۇرعىنداردىڭ ءبىرى.

Abai.kz

1 پىكىر