دۇيسەنبى, 19 اقپان 2018
ماڭگىلىك ەل 763 2 پىكىر 6 اقپان, 2018 ساعات 08:39

ۆيتسە-مينيستر: ءبىز قاشان دا اشىق سۇحبات بەرۋگە دايىنبىز

قر اۋىل شارۋاشىلىعى ۆيتسە-ءمينيسترى ەرلان نىسانباەۆ وكق-دا وتكەن ءباسپاسوز ءماسليحاتىندا پارلامەنت ءماجىلىسىنىڭ قاراۋىندا جاتقان جەر قاتىناستارىن رەتتەۋ بويىنشا زاڭ جوباسىن ءتۇسىندىرىپ بەردى.

«وزدەرىڭىزگە بەلگىلى، 2016 جىلدىڭ مامىر ايىندا ەلباسىنىڭ جارلىعىمەن جەر كودەكسىنىڭ جەكەلەگەن نورمالارىنا 2021 جىلدىڭ 31 جەلتوقسانىنا دەيىن موراتوري ەنگىزىلدى. اتاپ ايتقاندا، اۋىل شارۋاشىلىعى ماقساتىنداعى جەرلەردى قازاقستاندىقتارعا جەكە مەنشىككە، شەتەلدىكتەرگە بەرۋگە مۇلدەم تىيىم سالىندى. بۇل رەتتە پارلامەنت دەپۋتاتتارىنىڭ ورتالىق ۋاكىلەتتى ورگاندارى، قوعام قايراتكەرلەرى مەن ازاماتتىق قوعام بەلسەندىلەرىنىڭ قاتىسۋىمەن ارنايى جەر رەفورماسى بويىنشا كوميسسيا قۇرىلىپ، ءتيىستى جۇمىستار اتقارىلدى»، - دەيدى ۆيتسە-مينيستر.

ەرلان نىسانباەۆ كوميسسيا مۇشەلەرى كەلەسى شەشىمدەردى قابىلداعانىن اتاپ ءوتتى.

«ءبىرىنشى اۋىل شارۋاشىلىعى جەرلەرىن قازاقستاندىقتارعا جالعا بەرۋ نورماسىن ساقتاۋ جانە جەتىلدىرۋ. ەكىنشىدەن، قازاقستاندىقارعا اۋىل شارۋاشىلىعى جەرلەرىن جالعا بەرۋ مولشەرىن شەكتەۋ. ءۇشىنشى شەكارا اۋماقتارىنداعى اۋىل شارۋاشىلىعى جەرلەرىن پايدالانۋ تالاپتارىن كۇشەيتۋ. ءتورتىنشى تۇرعىنداردىڭ جايىلىم القاپتارىنا دەگەن قاجەتتىلىگىن قامتاماسىز ەتۋ. اتالعان ۇسىنىستاردىڭ نەگىزىندە جەر كودەكسىنە وزگەرىستەر مەن تولىقتىرۋلار ەنگىزۋ بويىنشا زاڭ جوباسى دايىندالىپ، پارلامەنت ءماجىلىسىنىڭ قاراۋىنا ەنگىزىلدى»، - دەيدى ول.

ۆيتسە-ءمينيستردىڭ ايتۋىنشا، زاڭ جوباسى قوعامدىق كەڭەس وتىرىستارىندا، باسقا دا قوعامدىق الاڭداردا جۇرتشىلىقپەن، اۋىل شارۋاشىلىعىنىڭ تاۋارىن وندىرۋشىلەرىمەن كەڭىنەن تالقىلانعان.

«بىرىنشىدەن، اۋىل شارۋاشىلىعى جەرلەرىن قازاقستاندىقتارعا جالعا بەرۋ نورماسىن ساقتاۋ جانە جەتىلدىرۋ ماقساتىندا جالعا بەرۋدىڭ جاڭا  تارتىبى قاراستىرىلىپ وتىر. جەر بەرۋ ءتارتىبىنىڭ اشىقتىعى مەن ايقىندىلىعىن قامتاماسىز ەتۋ جانە جەمقورلىقتى بولدىرماۋ ءۇشىن كونكۋرسقا قويىلاتىن جەرلەر تىزبەسىن بەكىتۋ، ونى مىندەتتى تۇردە قوعامدىق كەڭەستەر مەن ۇەۇ-مەن كەلىسۋ، جەر كوميسسياسىنىڭ قۇرامىنا 50 پايىزىن قوعامدىق كەڭەس پەن ۇيىمداردىڭ وكىلدەرىن ەنگىزۋ قاراستىرىلعان. سونىمەن بىرگە، كونكۋرستىڭ جاريالىلىعى مەن وعان بارلىق قاتىسۋشىلاردىڭ تەڭ قول جەتكىزۋىن قامتاماسىز ەتۋ ءۇشىن جاڭا ءتارتىپ بويىنشا كونكۋرستىڭ وتكىزىلەتىنى تۋرالى حابارلاندىرۋدى تەك اۋداندىق عانا ەمەس، باسقا دا باق، اشم مينيسترلىگى مەن اكىمدىكتەردىڭ رەسمي ينتەرنەت-رەسۋرستارىندا ورنالاستىرىلادى»، - دەيدى ۆيتسە-مينيستر.

ەرلان نىسانباەۆ ەكىنشىدەن اۋىل شارۋاشىلىعى جەرلەرىن ۇلكەن كولەمدە ءبىر قولعا بەرىلۋىن بولدىرماۋ ماقساتى كوزدەلگەنىن تىلگە تيەك ەتتى.

«ءبىر قولعا بەرىلەتىن جەرلەردىڭ مولشەرىن ءماسليحاتتار مەن اكىمدىكتەردىڭ بىرلەسكەن ۇسىنىستارى نەگىزىندە ۇكىمەتپەن بەكىتىلەدى. بۇل شەكتى مولشەردى ايقىنداۋ ءۇشىن ءتيىستى ەسەپتەۋ ادىستەمەسى ازىرلەنگەن. ءۇشىنشى - مەملەكەتتىك شەكارانىڭ شەكارالىق بەلدەۋىندەگى اۋىل شارۋاشىلىعى القاپتارى ەشكىمگە بەرىلمەيدى. تەك جەرگىلىكتى حالىققا جايىلىم، شابىندىق ماقساتىندا پايدالانۋعا رۇقسات بەرىلەدى. شەكارالىق اۋماقتا ورنالاسقان جەر ۋچاسكەلەرىن شەتەلدىكتەرگە، قر-نىڭ شەتەلدىكتەرمەن نەكەگە تۇرعان ازاماتتارىنا نەمەسە قر-نىڭ قۇرامىندا شەتەلدىكتەرى بار زاڭدى تۇلعالارىنا بەرۋگە تىيىم سالىنادى. بۇل اۋماقتا ورنالاسقان اۋىل شارۋاشىلىعى جەرلەرى تەك قازاقستاندىقتارعا جالعا بەرىلەتىن بولادى»، - دەيدى ەرلان نىسانباەۆ.

ۆيتسە-مينيستر سونىمەن قاتار، تورتىنشىدەن جەرگىلىكتى تۇرعىنداردىڭ جەكە اۋىلى ورنالاسقان اۋىل شارۋاشىلىعى جەرلەرى تەك قازاقستاندىقتارعا عانا جالعا بەرىلەتىنىن اتاپ ءوتتى. ونىڭ سوزىنە سۇيەنسەك، جەرگىلىكتى تۇرعىنداردىڭ جەكە اۋىلىنداعى مالىنىڭ سانى جىل سايىن وسۋىنە بايلانىستى زاڭ جوباسىمەن جايىلىم جەتىسپەۋشىلىگىن شەشۋ ماقساتىندا ەلدىمەكەندەر اينالاسىندا جايىلىم الاڭدارىن ايقىنداۋدىڭ نورماسى كوزدەلگەن. وسى ماقساتتا ايقىندالعان جايىلىمداردى قر جەكە جانە زاڭدى تۇلعالارىنا جالعا بەرۋگە تىيىم سالىنادى.

ۆيتسە-مينيستر ەلدىمەكەندەردىڭ ماڭىنداعى جايىلىمداردىڭ كوبى جەكە جانە زاڭدى تۇلعالارعا بەرىلىپ كەتكەنىن ەسكەرىپ، اكىمدىكتەرگە ول جەرلەردى قايتا حالىقتىڭ جايىلىم مۇقتاجدىعى ءۇشىن مەملەكەتتىك قاجەتتىككە جاتقىزۋ قاراستىرىلىپ وتىرعانىن ايتادى.

«ەرەكشە نازار اۋداراتىن جاعداي - اتالعان نورمالاردان بولەك، زاڭ جوباسىمەن اۋىل شارۋاشىلىعى جەرلەرىن بەرۋگە ەنگىزىلگەن ءموراتوريدىڭ شەڭبەرىن تەك شەتەلدىكتەرگە عانا ەمەس، ءبىر پايىز بولسا دا شەتەلدىك ۇلەسى بار قازاقستاندىق زاڭدى تۇلعالارعا كەڭەيتۋ قاراستىرىلىپ وتىر. بۇل رەتتە زاڭ جوباسى نورمالارىنىڭ بارلىعى اۋىل شارۋاشىلىعى جەرلەرىن تەك قانا قازاقستاندىقتارعا بەرۋدى كوزدەيدى. زاڭ جوباسىنىڭ ماتىنىمەن اشم رەسمي سايتىنىڭ جەر كودەكسى بولىمىندە تانىسا الاسىزدار. ءوز كەزەگىمىزدە ءبىز اشىق سۇحبات بەرۋگە قاشان دا دايىنبىز»، - دەپ ءتۇيدى نىسانباەۆ.

ايتا كەتسەك، قازىرگى ۋاقىتتا قر پارلامەنت ماجىلىسىندە «جەر قاتىناستارىن رەتتەۋ ماسەلەلەرى بويىنشا قر كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ» تۋرالى زاڭ جوباسى قارالۋدا.

Abai.kz

2 پىكىر