دۇيسەنبى, 21 مامىر 2018
46 - ءسوز 829 0 پىكىر 14 مامىر, 2018 ساعات 11:35

حالىقتىق ونەرگە كىم قارسى؟

2010-2011جج. قازاق راديوسىنداعى "قايىرلى تاڭ، قازاق ەلى" تاڭعى باعدارلاماسىن تىكەلەي ەفيردە جۇرگىزەتىن كەزىم. مەنىڭ ۇستانىمىم بويىنشا، 3 ساعاتتىق تاڭعى ەفيردە كەمىندە 3 شىعارما حالىق اسپاپتارىندا ورىندالۋ كەرەك. اتاپ ايتقاندا، قايتكەن كۇندە دە ءبىر ان(دومبىرامەن), ءبىر تەرمە، ءبىر كۇي بەرۋدى پارىزىم ساناۋشى ەم. العاشقى اپتالاردا كەدەرگىسىز بەرىلدى. كەيىننەن قارسىلىققا تاپ بولدىم. باعدارلاما جەتەكشىسى رۇقسات بەرىپ قول قويىپ بەرگەن ءان-كۇيلەرگە سول كەزدەگءى باس رەداكتور(داۋ-داماي، ىرىتكى بولماس ءۇشىن اتىن اتاماي-اق قويايىن) "بەرۋگە بولمايدى" دەپ سىزىپ تاستايتىن. مەن قادالا سەبەبىن سۇرادىم. ونىڭ بەرگەن جاۋابى: "تاڭەرتەڭ بەرىلگەن ءداستۇرلى ءان-كۇي، تەرمە ادامداردىڭ كوڭىل-كۇيىن بۇزادى". كۇلكىمنىڭ كەلگەنى سونشا جارىلىپ كەتە جازداسام دا سابىر ساقتاپ ءتىل قاتتىم: "مەن "ەلىم-ايدى", "قارا پيمانى", ت،ب، بەرىپ جاتقام جوق قوي. ونىڭ ۇستىنە، بۇرىنعى بابالار تاڭدى-تاڭعا جالعاپ ءان سالىپ، كۇي تارتىسىپ، جىر جىرلاعاندا قالاي عانا كوڭىلى بۇزىلماي امان قالعان؟". "ايتقاندى تىڭداپ ەستراداعا اۋىستىر" دەپ "باسشىلىق لاۋازىمىنا ساي" نۇسقاۋىن بەرىپ شىعارىپ سالدى...

قازاقتىڭ راديوسىندا حالىقتىڭ ءتول مۋزىكالىق مۇراسى ناسيحاتتالاماسا ودان اسقان قورلىق بولماس. ونىڭ ۇستىنە سول كەزدەگى تاڭعى باعدارلاما ەڭ كوپ تىڭدالاتىن، تىڭداۋشىسى مول، قوعامدىق پىكىر قالىپتاستىرۋ قاۋقارى بار، وزگەلەردى ساناستىرا الاتىن دەڭگەيدە ەدى. الگى نۇسقاۋمەن توقتاپ قالماي ءداستۇرلى ءان-كۇيلەردىڭ ەبىن تاۋىپ بەرىپ جۇردىك. وندا دا، "پالەن كومپوزيتوردىڭ تۋعان كۇنى ەدى، مەرەيتويىنا وراي تاڭداپ الدىق، ەسكە الۋ كەشى وتەدى ەكەن", – دەگەن جەلەۋمەن تاعى ءبىراز ۋاقىت ەفيردە حالىقتىڭ مۇراسىن دارىپتەۋگە تىرىستىم.

تاعى ءبىر كۇنى الگى باس رەداكتور بارلىق ءداستۇرلى ءاندى سىزىپ تۇرىپ، "بۇلاردى بەرمە دەدىم عوي" ، – دەپ قاتقىلداۋ ءۇن قاتتى. تاعى دا اقتاي وتىرىپ سەبەبىن سۇرادىم. ول: استانادان "بەرمەڭدەر، بەرۋگە بولمايدى، تىڭدارماننىڭ كوڭىل-كۇيىن بۇزادى دەپ جاتىر", – دەدى. "ناقتى كىم ايتتى؟" – دەگەن ساۋالىما جاۋاپ قاتپادى. تاڭ قالماسقا، رەنجىمەسكە شارا جوق. ءوزى كەيدە قايبىر ءاندى كوبىرەك بەرۋدى مىندەتتەيتىنى بار. ال داستۇرگە كەلگەندە ايتارى اناۋ....

سول كەزدەگى سىزىلىپ قالعان ءان كەستەلەرى مەندە ءالى كۇنگە ساقتاۋلى. كەستە تۇگىلى، قازاقتىڭ مۋزىكالىق مۇراسىنا دەگەن قارسىلىق تا كوڭىلىمنەن كەتكەن ەمەس. شىنىمەن دە، ۇلتتىق ونەردى ناسيحاتتاۋعا كىم كەدەرگى؟

جارقىن سالەنۇلىنىڭ Facebook-تەگى پاراقشاسىنان

Abai.kz

0 پىكىر