بەيسەنبى, 24 مامىر 2018
214 0 پىكىر 16 مامىر, 2018 ساعات 10:01

تاجىكستان جانە بەلارۋس پرەزيدەنتتەرى ارىپتەستىك تۋرالى 15 كەلىسىم قابىلدادى

بەلارۋس جانە تاجىكستان سەيسەنبى كۇنى دۋشانبەدە ەكى ەل پرەزيدەنتتەرىنىڭ كەلىسسوزدەرى ناتيجەسىندە 15 مەملەكەتارالىق جانە مەكەمەارالىق كەلىسىم قابىلدادى، سولاردىڭ ىشىندە ەكىجاقتى ارىپتەستىكتىڭ 2019-2020 جىلدارعا ارنالعان جول كارتاسى دا بار.

"جول كارتاسى" ماڭىزدى سالالاردا بەلارۋس-تاجىكستان ارىپتەستىگىنىڭ بولاشاعىن انىقتايدى، دەلىنگەن تاجىكستان پرەزيدەنتى ءباسپاسوز قىزمەتىنىڭ حابارلاماسىندا. مينسك پەن دۋشانبە جالپى سانى 15 قۇجات قابىلدادى، دەپ حابارلادى شەنەۋنىكتەر.

بەلارۋس پرەزيدەنتى الەكساندر لۋكاشەنكو تاجىكستانعا ءۇش كۇندىك ساپارمەن كەلدى. تاجىكستان سىرتقى ىستەر مينيسترلىگىنىڭ حابارلاۋىنشا، 16 مامىرعا دەيىن سوزىلاتىن رەسمي ساپار اياسىندا ەمومالي راحمون مەن الەكساندر لۋكاشەنكو كەزدەسۋى ءوتتى. پرەزيدەنتتەر كەزدەسۋ قورىتىندىلارى مەن ساۋدا-ەكونوميكالىق ارىپتەستىكتى ارتىرۋ جونىندەگى جوسپارىن تالقىلادى.

رەسمي مالىمەت بويىنشا، مەملەكەت باسشىلارى ساۋدا كولەمىن ارتتىرىپ، ەكنوميكالىق ارىپتەستىكتى دامىتۋعا مۇددەلى ەكەندەرىن ءبىلدىردى. تەرروريزم، ەكسترەميزم، ەسىرتكى ترافيگى جانە زاڭسىز قارۋ ساۋداسىمەن كۇرەستە ارىپتەستىكتى نىعايتۋعا ۋاعدالاستى.

دۋشانبەدە تاجىك-بەلارۋس بيزنەس-فورۋمى وتەدى. وعان اۋعانستاننىڭ ىسكەر توپ وكىلدەرى دە قاتىسادى. مەملەكەت باسشىلارى بەلارۋس ۇلتتىق كورمەسىنىڭ تاجىكستانداعى اشىلۋ سالتاناتىنا، تاعى باسقا دا شارالارعا قاتىسادى.

Abai.kz

0 پىكىر