دۇيسەنبى, 21 مامىر 2018
352 0 پىكىر 16 مامىر, 2018 ساعات 10:03

قىرعىزستاندا "نارىن گەس" كومپانياسىنىڭ جۇمىسشىلارى ەرەۋىلگە شىقتى

"نارىن گەس" كومپانياسىنىڭ 50 شاقتى قىزمەتكەرى 15 مامىردا نارازىلىق اكتسياسىنا شىعىپ، ءتورت جىلدىڭ جالاقىسىنداعى بەرەشەكتى تولىق وتەۋىن تالاپ ەتتى. ەرەۋىلدەۋشىلەردىڭ ءبىرى ەرنيس سۋۆانكۋلوۆتىڭ ايتۋىنشا، كاسىپورىن جۇمىسشىلاردىڭ ارقايسىنا شامامەن 100 مىڭنان (1470$) 500 مىڭ سومعا دەيىن قارىز.

"نارىن گەس" كاسىپورىنى سالىققا 8 ملن سوم، ەلەكتر قۋاتىنا 40 ملن سوم قارىز. قىستان بەرى ءبىز ءۇش مارتە ميتينگ وتكىزدىك. ءبىز كاراكول قالاسى كەنەشىنىڭ دەتۋاتتارىمەن كەزدەستىك، ناتيجە شىقپادى. ءبىز 2014 جىلدان بەرى جالاقىنى ۋاقىتىلى الا الماي كەلەمىز. جۇمىس توقتاپ تۇر", - دەدى سۋۆانكۋلوۆ.

كاسىپورىننىڭ باس ديرەكتورى نۋرمامبەت جەكشەەۆتىڭ مالىمدەۋىنشە، بۇگىنگى اكتسيانى ميتينگ دەۋگە كەلمەيدى. ول جاقىندا جۇمىس توبى ماسەلەلەردى شەشۋ ءۇشىن بىشكەككە باراتىنىن ايتتى.

"بۇل – مەنىڭ جەكە باستامام. مەن ەرتەڭ كەزدەسەمىز دەدىم، ودان سوڭ مەن ولاردى بىشكەككە الىپ بارامىن. قازىر ۇلتتىق ەنەرگيا حولدينگىندە باسشى جوق، ءبىزدىڭ جۇمىسىمىز توقتاپ تۇر", - دەدى ول.

"نارىن گەس" - قىرعىزستاندا سۋ ەلەكتر ستانتسيالارىن سالۋمەن اينالىساتىن جالعىز كاسىپورىن.

Abai.kz

0 پىكىر