بەيسەنبى, 24 مامىر 2018
انىق 596 0 پىكىر 16 مامىر, 2018 ساعات 11:32

دوسقاليەۆ ءمايىت دونورلىعىنا تۇسىنىستىكپەن قاراۋدى سۇراپ، ۇندەۋ جاسادى

ترانسپلانتاتسيا بويىنشا رەسپۋبليكالىق كوورديناتسيالىق ورتالىقتىڭ جەتەكشىسى، بۇرىنعى دەنساۋلىق ساقتاۋ ءمينيسترى جاقسىلىق دوسقاليەۆ قازاقستاندىقتارعا ءمايىت دونورلىعىنا تۇسىنىستىكپەن قاراۋدى سۇراپ، ۇندەۋ جاسادى، - دەپ حابارلايدى اباي-اقپارات kaz.tengrinews.kz پورتالىنا سىلتەمە جاساپ. 

ونىڭ سوزىنە سەنسەك، و دۇنيەلىك بولعان كىسى كەمىندە بەس ادامنىڭ ءومىرىن جالعاۋعا سەبەپشى بولا الادى ەكەن.

"قازاقستاندىقتارعا، وتانداستارىما ايتقىم كەلەدى، ادامنىڭ ميى ولگەن ساتتە نەمەسە ونىڭ ءولىپ بارا جاتقانىندا وعان ىشكى مۇشەلەرى و دۇنيەدە كەرەك ەمەس، دەنەسى وسىندا قالىپ، كومىلەدى. بىراق مارقۇم كەمىندە بەس ادامنىڭ ءومىرىن جالعاي الادى، بۇيرەك، باۋىر، اسقازان استى بەزى (ۇيقى بەزى), وكپە، جۇرەك سياقتى جۇپتى مۇشەلەر ارقىلى. قازاقستاندىقتارعا ادام ميى ولگەن ساتتە دارىگەرلەر كەلىپ، باسقا ادامدارعا كومەك قاجەت دەگەن ساتتە وعان سالماقتى قاراۋىن سۇراعىم كەلەدى. قازاقستاندىقتار مەنى دۇرىس تۇسىنسە ەكەن، مۇشە اۋىستىرۋعا مۇقتاج ادامداردىڭ ءومىرىن ساقتاپ قالۋعا تىرىسسا", - دەيدى ول.

قازىرگى تاڭدا قازاقستاندا 2 523 ادام دونورلىق بۇيرەككە ءزارۋ (ولاردىڭ ىشىندە 51 بالا), 532 ادامعا باۋىر قاجەت (ونىڭ ىشىندە 9 بالا), 130 ادام دونورلىق جۇرەك كۇتىپ وتىر (ونىڭ ىشىندە 16 بالا) جانە 11 ادام دونورلىق وكپەگە ءزارۋ.

"مەن ىشكى مۇشەلەرىن الىپ وزگە ادامعا سالۋعا رۇقسات بەرگەندەردىڭ اتا-انا، اعا-باۋىر مەن اپكە-قارىنداستارىنىڭ الدىندا باسىمدى يەمىن", - دەيدى جاقسىلىق دوسقاليەۆ.

Abai.kz

0 پىكىر